ଭୁବନେଶ୍ୱର,ଏନ୍ଏନ୍ଏସ୍: ଓଡ଼ିଶାର ଶ୍ରୀୟଙ୍ଗା ଷଡ଼ଙ୍ଗୀ ବନ୍ଧୁକ ଚାଳନା ପ୍ରତିଯୋଗିତାରେ ରାଜ୍ୟ ପାଇଁ ଗୌରବ ଆଣିଛନ୍ତି। ସେ ୫୦ ମିଟର .୨୨ ବୋର ଥ୍ରି ପୋଜିସନ ମହିଳା ରାଇଫଲ ବିଭାଗରେ ୧୧୬୭ ସ୍କୋର କରି ବରିଷ୍ଠ ମହିଳା ଜାତୀୟ ପ୍ରତିଯୋଗିତରେ ସ୍ୱର୍ଣ୍ଣ ପଦକ ହାସିଲ କରିଛନ୍ତି। ଏହି ଉପଲବ୍ଧି ଓଡ଼ିଶା ବନ୍ଧୁକ ଚାଳନା କ୍ଷେତ୍ରରେ ପ୍ରଥମ ଅଟେ।
ଶ୍ରୀୟଙ୍କା ଓଡ଼ିଶାର ବନ୍ଧୁକ ଚାଳନା କ୍ଷେତ୍ରରେ ସର୍ବଶ୍ରେଷ୍ଠ ଖେଳାଳି ଏବଂ ସେ ଏହି କ୍ଷେତ୍ରରେ ପୂର୍ବରୁ ଅନେକ ଜୁନିଅର ଜାତୀୟ ଆନ୍ତର୍ଜାତୀୟ ପ୍ରତିଯୋଗିତାରେ ପଦକ ଜିତି ରାଜ୍ୟ ଓ ଦେଶକୁ ଗୌରବାନ୍ୱିତ କରିଛନ୍ତି।
ସେହିପରି ଓଡ଼ିଶାର ସାହେବାଣୀ ଓରାମ ଗତକାଲି ଗୃପ ପିସ୍ତଲ ବିଭାଗରେ ରେଳବାଇ ପକ୍ଷରୁ ଭାଗ ନେଇ ରୋପ୍ୟ ପଦକ ହାସିଲ କରିଛନ୍ତି। ଓଡ଼ିଶା ରାଇଫଲ ସଂଘ ତରଫରୁ ସୁଶ୍ରୀ ଶ୍ରୟଙ୍କା ଓ ସାହେବାଣୀ ଓରାମଙ୍କୁ ସଂଘର ସଭାପତି ଅନଙ୍ଗ ଉଦୟ ସିଂହଦେବ ଓ ପୃଷ୍ଟପୋଷକ କଳିକେଶ ନାରାୟଣ ସିଂହଦେବ ଓ ଅନ୍ୟାନ୍ୟ କର୍ମକର୍ତ୍ତାମାନେ ଅଭିନନ୍ଦନ ପ୍ରଦାନ କରିଛନ୍ତି।
