ଆମେରିକା,ଏଜେନ୍ସି: ଦୁନିଆରେ କରୋନା ମହାମାରୀ ଆମେରିକାରେ ସର୍ବାଧିକ କ୍ଷତି ଘଟାଇଥିଲା। ବର୍ତ୍ତମାନ ଆମେରିକାର ଅବସ୍ଥା ଧୀରେ ଧୀରେ ସୁଧୁରୁଛି। ଏହି ସମୟରେ, ଆମେରିକାରେ ପିଲାମାନଙ୍କ ଟିକା ପାଇଁ ଅପେକ୍ଷା କରିଥିବା ମାଆ,ବାପାଙ୍କ ଅପେକ୍ଷା ଶେଷ ହେବାକୁ ଯାଉଛି। ଏଠାରେ ପିଲାମାନଙ୍କୁ ନଭେମ୍ବର ୮ ରୁ ଫାଇଜର ଟିକା ଦେବାକୁ ସରକାର ନିଷ୍ପତ୍ତି ନେଇଛନ୍ତି।
ଏ ସମ୍ପର୍କରେ ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ ଏହା ଆମ ପାଇଁ ଏକ ଟର୍ଣ୍ଣିଂ ପଏଣ୍ଟ। ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ରକୁ ଦର୍ଶାଇ କୁହାଯାଇଛି ଯେ ୫ରୁ ୧୧ ବର୍ଷ ବୟସର ପିଲାମାନଙ୍କ ଠାରେ କୋଭିଡ -୧୯ ଦେଖାଦେଇପାରେ। ଆମେରିକାର ସିଡିସି ପରାମର୍ଶଦାତା ସର୍ବସମ୍ମତି କ୍ରମେ ଏହି ପଦକ୍ଷେପକୁ ସମର୍ଥନ କରିବାର କିଛି ଘଣ୍ଟା ପରେ ଏହି ଘୋଷଣା କରାଯାଇଛି।
