କୁଆଁପାଳ,ଏନ୍ଏନ୍ଏସ୍: ମାହାଙ୍ଗା ବ୍ଲକ ବିଜେଡିର କାର୍ଯ୍ୟକାରିଣୀ ଛାତ୍ର ସଭାପତି ଜିତାଂଶୁ ଶେଖର ପରିଡା ଏକ ଅଭିନବ ଢଙ୍ଗରେ ତାଙ୍କର ଜନ୍ମଦିନ ପାଳନ କରିଛନ୍ତି। ମାହାଙ୍ଗା ବ୍ଲକ ଅନ୍ତର୍ଗତ ବିଦେଇ ମଠ ପାଖରେ ଥିବା ବାପୁଜୀ ସେବାଶ୍ରମରେ ଥିବା କୁନି କୁନି ପିଲାମାନଙ୍କ ସହ ମିଶି କେକ୍ କାଟି ତାଙ୍କର ଜନ୍ମଦିନ ପାଳନ କରିଛନ୍ତି ଛାତ୍ର ନେତା ଜିତାଂଶୁ ଶେଖର ପରିଡା।
ସେ ପ୍ରଥମେ ମାହାଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ରୋଗୀମାନଙ୍କୁ ଫଳ, କ୍ଷୀର ଓ ବିସ୍କୁଟ ଦେଇଥିଲେ। ପରେ ଏହି ସେବାଶ୍ରମକୁ ଆସି ପିଲାମାନଙ୍କୁ ମିଠା ଖୁଏଇ ସେମାନଙ୍କୁ କିଛି ରାସନ ସାମଗ୍ରୀ ପ୍ରଦାନ କରିଥିଲେ। ଜିତାଂଶୁଙ୍କ ଏଭଳି ମହତ୍ କାର୍ଯ୍ୟ ପାଇଁ ଅଞ୍ଚଳର ବୁଦ୍ଧିଜୀବୀମାନେ ଖୁବ୍ ପ୍ରଶଂସା କରିଛନ୍ତି। ଏହି କାର୍ଯ୍ୟକ୍ରମରେ ୪୧ ନମ୍ବର ଜୋନର ଯୁବ ବିଜେଡି ସମ୍ପାଦକ ହେମନ୍ତ ଦାସ, ସୋସିଆଲ ମିଡିଆ ସଂଯୋଜକ କିଶୋର କୁମାର ରାଉତ, ଯୁବ ବିଜେଡି କାର୍ଯ୍ୟକାରିଣୀ ସଭାପତି ହେମନ୍ତ ପ୍ରଧନା, ଛାତ୍ର ବିଜେଡି ସଂଯୋଜକ ବିଶ୍ୱଜିତ୍ ବେହୁରା, ସୟଦ ମୁସ୍ତାକ ଅଲ୍ଲୀ, ବିଶ୍ୱରଞ୍ଜନ ଜେନା ପ୍ରମୁଖ ସାହାଯ୍ୟ ସହଯୋଗ କରିଥିଲେ।
