ଭୁବନେଶ୍ୱର,ଏନ୍ଏନ୍ଏସ୍: ଗିରଫ ପୂର୍ବତନ କନେଷ୍ଟବଳ ପ୍ରସନ୍ନ ବେହେରାଙ୍କ ଘରେ ଭିଜିଲାନ୍ସ ଚଢ଼ଉ କରିଛି। ପ୍ରସନ୍ନଙ୍କ କଳ୍ପନା ସ୍ଥିତ ସରକାରୀ ବାସଭବନ, ସାଉଥସିଟି ବାର ସମେତ ୫ ଜାଗାରେ ଏକକାଳୀନ ଚଢାଉ ଜାରି ରଖିଛି ୫ଟି ଭିଜିଲାନ୍ସ ଟିମ୍। ୨ ଡିଏସପି ଓ ୫ ଜଣ ଇନ୍ସପେକ୍ଟର ଚଢ଼ଉରେ ସାମିଲ ଅଛନ୍ତି। ମନୀଷ ଅନୁରାଗ ହତ୍ୟା ମାମଲାରେ ଗିରଫ ହୋଇଥିଲେ କନେଷ୍ଟବଳ ପ୍ରସନ୍ନ ବେହେରା। ଗିରଫ ପରେ ପ୍ରସନ୍ନଙ୍କୁ ଚାକିରିରୁ ବହିଷ୍କାର କରିଥିଲେ ଭୁବନେଶ୍ବର ଡିସିପି।
ମନୀଷ ଅନୁରାଗ ହତ୍ୟା ମାମଲାର ତଦନ୍ତ ବେଳେ କନେଷ୍ଟବଳ ପ୍ରସନ୍ନଙ୍କ କାରନାମା ପଦାକୁ ଆସିଥିଲା। ସାଉଥସିଟି ବାରକୁ ବେଆଇନ ଭାବେ ଚଳାଉଥିଲେ। ବାରର ଲାଇସେନ୍ସ ନଥିବାବେଳେ କୋଭିଡ ନିୟମର ମଧ୍ୟ ଉଲ୍ଲଙ୍ଘନ ହୋଇଥିଲା। ସାଉଥସିଟି ଚଲାଇବା ଅଭିଯୋଗରେ ତାଙ୍କୁ ଚାକିରିରୁ ବିଦା କରାଯିବା ସହ ଗିରଫ କରାଯାଇଥିଲା।
