ସମ୍ବଲପୁର,ଏନ୍ଏନ୍ଏସ୍: ସମ୍ବଲପୁର ସ୍ଥିତ ଭୂଷଣ ଜେଏସଡବ୍ଲୁ ପ୍ଲାଣ୍ଟରେ ଉତ୍ତେଜନା। ମୁଖ୍ୟ ଫାଟକ ବନ୍ଦକରି ଆନ୍ଦୋଳନ କରିଛନ୍ତି ଆରଆର କଲୋନୀବାସୀ। ସେମାନେ ଦୀର୍ଘ ରାତ୍ରି ଯାଏଁ ଭୂଷଣ ଗେଟ ବନ୍ଦ କରିବା ସହ ଧାରଣା ଦେଇଛନ୍ତି। ପ୍ରଦୂଷଣକୁ ବିରୋଧ କରି ଲୋକେ ଏହି ଆନ୍ଦୋଳନକୁ ଓହ୍ଲାଇଥିବା ସୂଚନା ମିଳିଛି।
ବୁଧବାର ପ୍ଲାଣ୍ଟର ଗୋଟିଏ ୟୁନିଟ୍ ଆରମ୍ଭ କରାଯିବା ପରେ ସ୍ଥାନୀୟ ଅଞ୍ଚଳ ଧୂଳିମୟ ହେବା ସହ ଘରେ ଘରେ ଧୂଳି ପଶିଥିଲା। ଫଳରେ ଅତିଷ୍ଠ ହୋଇ ସ୍ଥାନୀୟ ଲୋକେ ପ୍ଲାଣ୍ଟ ଘେରିଥିଲେ। ବୁଝାସୁଝା କରିବା ଫଳରେ ଏହି ଆନ୍ଦୋଳନ ସାମୟିକ ସ୍ଥଗିତ କରିଥିଲେ। ଏନେଇ ଗୁରୁବାର ପ୍ଲାଣ୍ଟ କର୍ତ୍ତୃପକ୍ଷଙ୍କ ସହ ଆରଆର କଲୋନୀରେ ବୈଠକ କରିବେ ବୋଲି ସୂଚନା ମିଳିଛି।
