ଝାରସୁଗୁଡ଼ା,ଏନ୍ଏନ୍ଏସ୍: ଲଖନପୁର ବ୍ଲକର ବିଭିନ୍ନ ଗ୍ରାମରେ ବ୍ରଜରାଜନଗର ବିଧାୟକ କିଶୋର କୁମାର ମହାନ୍ତି ବିଭିନ୍ନ ଉନ୍ନୟନ ପ୍ରକଳ୍ପର ଶିଳାନ୍ୟାସ ଓ ଶୁଭ ଉଦଘାଟନ କରିଛନ୍ତି। ଝାରୁପଡ଼ାଠାରେ କଲ୍ୟାଣ ମଣ୍ଡପ, ଗୋଷ୍ଠୀକେନ୍ଦ୍ର ଓ ଜାମଗାଁଠାରେ ଯଜ୍ଞ ମଣ୍ଡପର ଉଦଘାଟନ କରିଥିବାବେଳେ କୁଟୁରାପାଲି ଗ୍ରାମରେ କଂକ୍ରିଟ ରାସ୍ତା, କଦମଡ଼ିହି ଛକରେ ଅମୃତ ଧାରା, କୁଡ଼ାଲୋଇଠାରେ ରାହାସ ମଣ୍ଡପ, ଗ୍ରୀଣ୍ଡୋଲାଠାରେ ଗୋଷ୍ଠୀକେନ୍ଦ୍ର ଓ କଦେଲପିଟାଠାରେ ଯଜ୍ଞ ମଣ୍ଡପ ଆଦି ଉନ୍ନତିମୂଳକ କାର୍ଯ୍ୟର ଶିଳାନ୍ୟାସ କରିଛନ୍ତି। ଏହି ଅବସରରେ ଝାରସୁଗୁଡ଼ା ଜିଲ୍ଲା ପରିଷଦ ଉପାଧ୍ୟକ୍ଷ ପଙ୍କଜିନୀ ପ୍ରଧାନ, ବିଜେଡିର ଜିଲ୍ଲା ଉପସଭାପତି ଶମ୍ଭୁ ମହାନ୍ତି, ସଞ୍ଜିତ ପ୍ରଧାନ, ବିଜେଡ଼ି ବ୍ଲକ ସଭାପତି ରବିରତ୍ନ ପ୍ରଧାନ, ବିଜେଡିର ବରିଷ୍ଠ ସଦସ୍ୟ ଶ୍ୟାମସୁନ୍ଦର ଶତପଥୀ, ପର୍ଶୁରାମ ଗିରି, ପଲସଦା ସରପଞ୍ଚ ଫଗୁନୁ ସହରା, ଗୁଣନିଧି ଡନସନା ପ୍ରମୁଖଙ୍କ ସହ ବିଜେଡି ସଦସ୍ୟ ଓ ସ୍ଥାନୀୟ ଲୋକେ ଉପସ୍ଥିତ ଥିଲେ।
