କୋରାପୁଟ,ଏନ୍ଏନ୍ଏସ୍: ପାଡୁଆ ପୁଲିସ୍ ଦ୍ୱାରା ଜଲାପୁଟ ଜଳ ଭଣ୍ଡାର ନିକଟସ୍ଥ ଖଡ଼ାପୁଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ କରାଯାଇଥିବା ନନ୍ଦପୁର ଏସଡିପିଓ ସଞ୍ଜୟ କୁମାର ମହାପାତ୍ର ସୂଚନା ଦେଇଛନ୍ତି। ଜବତ ଗଞ୍ଜେଇର ଆମୁମାନିକ ମୂଲ୍ୟ ୮୧ ଲକ୍ଷ ୬୦ ହଜାର ଟଙ୍କା ହେବ ବୋଲି ଜଣାପଡ଼ିଛି। ଖଡ଼ାପୁଟ ଜଙ୍ଗଲରେ ଏକାଧିକ ଜରି ଅଖାରେ ବିପୁଳ ପରିମାଣର ଗଞ୍ଜେଇ ରଖାଯାଇଥିବା ସୂଚନା ବିଶ୍ୱସ୍ତ ସୂତ୍ରରୁ ମିଳିବା ପରେ ନନ୍ଦପୁର ଏସଡିପିଓଙ୍କ ନିର୍ଦ୍ଦେଶରେ ପାଡୁଆ ଥାନାଧିକାରୀ ସରୋଜ କୁମାର ମଲ୍ଲିକଙ୍କ ନେତୃତ୍ୱରେ ଏକ ଟିମ୍ ସେହି ଅଂଚଳରେ ଚଢ଼ଉ କରିଥିଲା। ଚଢ଼ଉ ସମୟରେ ଜରି ଅଖା ଗୁଡ଼ିକରେ ଥିବା ଗଞ୍ଜେଇ ଜବତ କରି ଥାନାକୁ ଅଣାଯିବା ପରେ ଓଜନ କରାଯାଇଥିଲା। ଏହାର ସମୁଦାୟ ଓଜନ ୮୧୬ କିଲୋ ୫୦ ଗ୍ରାମ୍ ହୋଇଥିଲା। ଜବତ ଗଞ୍ଜେଇ ଜଲାପୁଟ ଅଂଚଳରୁ ଦିଲ୍ଲୀକୁ ପଠାଯିବାର ଯୋଜନା ଥିବାବେଳେ ଘଟଣାରେ ଜଲାପୁଟ ଅଂଚଳର କେତେକ ଲୋକ ସମ୍ପୃକ୍ତ ଥିବା ମଧ୍ୟ ପୁଲିସ୍ ପ୍ରାଥମିକ ତଦନ୍ତରୁ ଅନୁମାନ କରୁଛି।
