ନୂଆଦିଲ୍ଲୀ: ଅକ୍ଟେବାର ୧୭ରେ ଆରମ୍ଭ ହେଉଥିବା ଟି-ଟ୍ୱୋଣ୍ଟି ୱାର୍ଲ୍ଡକପରେ ଟିମ୍ ଇଣ୍ଡିଆ ନୂଆ ରୂପରେ ନଜର ଆସିବ। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଟ୍ୱିଟ୍ କରି ଫ୍ୟାନଙ୍କ ସହ ନୂଆ ଜର୍ସି ସେୟାର କରିଛି।
ସୂଚନାଯୋଗ୍ୟ, ବୁଧବାର ଟିମ୍ ଇଣ୍ଡିଆର ନୂଆ ଜର୍ସି ଲଞ୍ଚ ହେବ ବୋଲି ବିସିସିଆଇ ପୂର୍ବରୁ କହିଥିଲା। ଟିମ୍ ଇଣ୍ଡିଆର ନୂଆ ଜର୍ସି ପୁରୁଣା ଜର୍ସିଠାରୁ ଟିକିଏ ଭିନ୍ନ। ଟିମ୍ ଇଣ୍ଡିଆ ବର୍ତ୍ତମାନ ସୁଦ୍ଧା ଘନ ନୀଳ ରଙ୍ଗର ଜର୍ସି ପିନ୍ଧୁଥିଲା। ନୂଆ ଜର୍ସି ବି ଏହି ରଙ୍ଗର ହୋଇଥିଲେ ହେଁ ଏହାର ଡିଜାଇନ ଟିକିଏ ଭିନ୍ନ। ପୂର୍ବ ଜର୍ସିରେ କାନ୍ଧରେ ତ୍ରିରଙ୍ଗା ଥିଲା କିନ୍ତୁ ଏଥିରେ କିଛି ନାହିଁ।
