କୋରାପୁଟ,ଏନ୍ଏନ୍ଏସ୍: ପଟ୍ଟାଙ୍ଗୀ ଥାନା ପୁକାଲି ପଞ୍ଚାୟତର ମୂଳାଶଙ୍କର ଗ୍ରାମରେ ଗାଧୋଇବାକୁ ଯାଇ କୂଅରେ ଖସିପଡ଼ି ଜଣେ ଶିଶୁର ମୃତ୍ୟୁ ଘଟିଛି। ମିଳିଥିବା ରିପୋର୍ଟ ମୁତାବକ, ଶ୍ରୀନୁ ପୂଜାରୀଙ୍କ ୮ ବର୍ଷର ପୁଅ ଆଶିଷ ପୂଜାରୀ ଗାଧୋଇବାକୁ ନିକଟସ୍ଥ କୂଅକୁ ଯାଇଥିଲା। ବାଲଟିରେ କୂଅରୁ ପାଣି କାଢ଼ିବା ବେଳେ ହଠାତ୍ କୂଅ ଭିତରେ ପଡ଼ି ଯାଇଥିଲା। ପରିବାର ଲୋକେ ଆଶିଷକୁ କୂଅରୁ ବାହାର କରି ପଟ୍ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
