ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ବ୍ଲକ ଡୁମୁରିଆ ଗ୍ରାମର ନାୟକ ସାହିର ପ୍ରଦୀପ ଦାସଙ୍କ ପରିବାର ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି। ମିଳିଥିବା ରିପୋର୍ଟ ମୁତାବକ, ଘର ପାଖରେ ଥିବା ଏକ ବିରାଟ ବଉଳ ଗଛ ଘର ଉପରେ ପଡ଼ିଯିବାରୁ ୨ ବଖରା ଘର ଭାଙ୍ଗି ଯାଇଛି। ଏହି ସମୟରେ ଘରେ ଥିବା ପ୍ରଦୀପଙ୍କ ପତ୍ନୀ ଓ ୨ଶିଶୁ ଅଳ୍ପକେ ବର୍ତ୍ତି ଯାଇଛନ୍ତି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଘର ଉପରୁ ଗଛକୁ କାଟି ବାହାର କରୁଛି। ପ୍ରଦୀପ ଜଣେ ଗରିବ ଶ୍ରେଣୀର ହୋଇଥିବାରୁ ଖୁବଶୀଘ୍ର ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
