ଶ୍ରୀନଗର,ଏଜେନ୍ସି: ଜମ୍ମୁ କଶ୍ମୀରର ଗନ୍ଦରବଲ ଜିଲ୍ଲାରେ ୩ ଆତଙ୍କବାଦୀ ଗିରଫ ହୋଇଛନ୍ତି। ଗତ ସୋମବାର ମଧ୍ୟରାତ୍ରୀରେ ସୁରକ୍ଷାକର୍ମୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟରେ ଏମାନେ ସାମିଲ ଥିଲେ ବୋଲି ଜଣାପଡିଛି। ଗିରଫ ୩ ଆତଙ୍କବାଦୀ ହିଜବୁଲ୍ ମୁଜାହିଦ୍ଦିନର ବୋଲି ପୁଲିସ କହିଛି। ଆତଙ୍କବାଦୀଙ୍କ ନିିକଟରୁ ପୁଲିସ ଅସ୍ତ୍ରଶସ୍ତ୍ର ଏବଂ ହ୍ୟାଣ୍ଡ ଗ୍ରେନେଡ୍ ଜବତ କରିଛି। ସେହିପରି ମଙ୍ଗଳବାର ଦକ୍ଷିଣ କଶ୍ମୀରର ଅବନ୍ତିପୋରାରେ ଅଲ-ବଦର ସଂଗଠନର ଡ୍ରେସ ପିନ୍ଧିଥିବା ବ୍ୟକ୍ତିଙ୍କୁ ପୁଲିସ ପ୍ରଥମେ ଅଟକ ରଖିଥିଲା। ପରେ ସେମାନେ ସମ୍ପୃକ୍ତ ଆତଙ୍କବାଦୀ ସଙ୍ଗଠନର ସହଯୋଗୀ ବୋଲି ଜଣାପଡିବା ପରେ ପୁଲିସ ସେମାନଙ୍କୁ ଗିରଫ କରିଛି। ଗିରଫ ଦୁଇ ଆତଙ୍କବାଦୀ ପାଖରୁ ୬ ଲକ୍ଷ ଟଙ୍କା ଜବତ କରାଯାଇଛି। ପୁଲିସ ସେମାନଙ୍କ ପାଖରୁ ବିପୁଳ ଅସ୍ତ୍ରଶସ୍ତ୍ର ସହିତ ଗାଡି ଜବତ କରିଛି।
