ଦେବଗଡ଼,ଏନ୍ଏନ୍ଏସ୍ : ନାକ୍ଟିଦେଉଳ ଥାନା ପଳସାବୁରୀ ଗ୍ରାମରେ ଆଜି ଜଣେ ବୃଦ୍ଧା ପୋଖରୀରେ ଗାଧେଇବା ସମୟରେ ବୁଡିଯିବାରୁ ମୃତ୍ୟୁ ହୋଇଛି। ସୂଚନା ଅନୁଯାୟୀ, ପଳସାବୁରୀ ଗ୍ରାମର ସ୍ୱର୍ଗତ ବଂଶୀଧର ବିଶ୍ୱାଳଙ୍କ ପତ୍ନୀ ଦର୍ପଣୀ ବିଶ୍ୱାଳ (୭୨) ଆଜି ସକାଳେ ପୋଖରୀକୁ ଗାଧୋଇବାକୁ ଯାଇଥିବାବେଳେ ବୁଡ଼ି ଯାଇଥିଲେ। ପାଖରେ ଗାଧୋଉ ଥିବା ଲୋକେ ଉଦ୍ଧାର କରି ପରିବାର ଲୋକଙ୍କୁ ସୂଚନା ଦେଇଥିଲେ। ଏହାପରେ ତାଙ୍କୁ ଗୁରୁତର ଅବସ୍ଥାରେ ଦେବଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା। ଏନେଇ ଦେବଗଡ଼ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ଆସନ୍ତାକାଲି ବ୍ୟବଚ୍ଛେଦ କରାଯିବ ବୋଲି ପୁଲିସ ସୂତ୍ରରୁ ସୂଚନା ମିଳିଛି
