ମାଲକାନଗିରି,ଏନ୍ଏନ୍ଏସ୍: ବିଶ୍ୱ ସାହିତ୍ୟ ଦିବସରେ ମାଲକାନଗିରି ରୋଟାରି କ୍ଲବ ତରଫରୁ ଜିଲ୍ଲାର କରୋନା ଯୋଦ୍ଧା ଓ ଶିକ୍ଷକ ଶିକ୍ଷୟିତ୍ରୀଙ୍କୁ ସମ୍ମାନିତ କରାଯାଇଛି। ରକହିଲ୍ ସମ୍ମିଳନୀ କକ୍ଷରେ ଜିଲ୍ଲା ରୋଟାରି କ୍ଲବ ସଭାପତି ସୁରେନ୍ଦ୍ରନାଥ ପାଢ଼ୀଙ୍କ ଅଧ୍ୟକ୍ଷତାରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜବାହର ନବୋଦୟ ବିଦ୍ୟାଳୟ-୧ର ଅଧ୍ୟକ୍ଷ ଟି ଭି ଏସ୍ ପ୍ରକାଶ ରାଓ, ଓଡ଼ିଶା ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଲକ୍ଷ୍ମୀ ନାରାୟଣ ଆଚାର୍ଯ୍ୟ, ରୋଟାରିଆନ୍ ଜଗଦିଶ ତ୍ରିପାଠୀ, ଜି. ଶ୍ୟାମବାବୁ ଦୋରା, ବ୍ରହ୍ମପୁରର ତାପସ ପାଣିଗ୍ରାହୀ ଓ ଶ୍ରୀନିବାସ ପୃଷ୍ଟି ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ମାଲକାନଗିରି ଜିଲ୍ଲା ରୋଟାରି କ୍ଲବ ଦ୍ୱାରା କରୋନା ସମୟରେ ଉଲ୍ଲେଖନୀୟ କାର୍ଯ୍ୟ କରିଥିବା ଶିକ୍ଷକ ଓ କରୋନା ଯୋଦ୍ଧାଙ୍କୁ ସମ୍ମାନୀତ କରାଯାଇଥିଲା। ବିଶେଷ କରି ରିଚିଙ୍ଗ ହାଣ୍ଡ ସୋସାଇଟି ୨୦ ହଜାରରୁ ଉର୍ଦ୍ଧ ପ୍ରବାସୀ ଓ ୩୦୦ ପରିବାରଙ୍କୁ ଖାଦ୍ୟ ଯୋଗାଇଥିବା ବେଳେ ଟିମ୍ ଉଇ କ୍ୟାନ୍ ତରଫରୁ ଲୋକଙ୍କ ଖାଦ୍ୟ, ପଶୁପକ୍ଷୀଙ୍କୁ ଖାଦ୍ୟ ବିତରଣ କରିବା ସହ ସ୍ୱଚ୍ଛ ଭାରତ ଅଭିଯାନ କରିଥିଲେ।
