କେନ୍ଦୁଝର,ଏନ୍ଏନ୍ଏସ୍: କେନ୍ଦୁଝର ଜିଲ୍ଲାରେ କାର୍ଯ୍ୟରତ ୫ଜଣ ପୁଲିସ ସବ ଇନସ୍ପେକ୍ଟର ଓ ଜଣେ ଏଏସଆଇ ଙ୍କୁ ଅନ୍ୟତ୍ର ବଦଳି କରାଯାଇଥିବା ଜଣାପଡିଛି । ସୂଚନା ଅନୁଯାୟୀ, କେନ୍ଦୁଝର ଟାଉନ ଥାନାର ସବ ଇନସ୍ପେକ୍ଟର ଆଶୁତୋଷ ମହାନ୍ତିଙ୍କୁ ରାଇସୁଆଁସ୍ଥିତ ସଦର ଥାନାକୁ ବଦଳି ହୋଇଥିବାବେଳେ ଚମ୍ପୁଆ କୋର୍ଟରେ ଥିବା ଏସଆଇ ପରେଶ ମହାନ୍ତିଙ୍କୁ ଚମ୍ପୁଆ ଥାନା, ଚମ୍ପୁଆ ଥାନାର ଏସଆଇ ସ୍ୱରୂପ ନାୟକଙ୍କୁ କେନ୍ଦୁଝର ସଦର ଥାନା, ରାମଚନ୍ଦ୍ରପୁର ଥାନାର ଏସଆଇ ସୂର୍ଯ୍ୟସ୍ନାତ ପାତ୍ରଙ୍କୁ ବାମ୍ୱୋରୀ ଥାନା ଓ ତୁରୁମୁଙ୍ଗା ଥାନାରେ ଥିବା ଏସଆଇ ଚିତ୍ରଗୁପ୍ତା ଚାମ୍ପିଆଙ୍କୁ ରାମଚନ୍ଦ୍ରପୁର ଥାନାକୁ ବଦଳି କରାଯାଇଛି । ସେହିପରି ଆନନ୍ଦପୁର ଥାନାରେ ଥିବା ଏଏସ ଆଇ ସୁଶାନ୍ତ ସେଠୀଙ୍କୁ ନୟାକୋଟ ଥାନାକୁ ବଦଳି କରାଯାଇଛି । କେନ୍ଦୁଝର ଏସପିଙ୍କ ନିର୍ଦ୍ଦେଶ ସଂଖ୍ୟା ୧୧୫୦/ଆର ଓ ୮/୯/୨୦୨୦ ରେ ଉପରୋକ୍ତ ପୋଲିସ ଅଧିକାରୀମାନଙ୍କୁ ବଦଳି କରାଯାଇଥିବାବେଳେ ତୁରନ୍ତ ନିଜନିଜର ନୂତନ ବଦଳିସ୍ଥାନରେ ଯୋଗଦେବାକୁ ନିର୍ଦ୍ଦେଶ ହୋଇଛି ।
