ଝାରସୁଗୁଡା,ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା ରମ୍ପେଲା ବ୍ରିଜରୁ ହୀରାକୁଦ ଜଳ ଭଣ୍ଡାରକୁ ଏକ ହାଇୱା ଟ୍ରକ ଖସି ପଡିଛି। ଫଳରେ ଏଥିରେ ଥିବା ୨ ଜଣ ନିଖୋଜ ହୋଇଯାଇଥିବାବେଳେ ଜଣଙ୍କୁ ସ୍ଥାନୀୟ ମତ୍ସ୍ୟଜୀବୀମାନେ ଉଦ୍ଧାର କରିଛନ୍ତି। ଉଦ୍ଧାର ହୋଇଥିବା ବ୍ୟକ୍ତି ଜଣକ ଆଦିତ୍ୟ ସାହୁ ବୋଲି ଜଣାପଡିଛି। ଘଟଣାସ୍ଥଳକୁ ବ୍ରଜରାଜନଗର ଏସଡିପିଓ ଦିଲ୍ଲୀପ ଦାସ, ବନହରପାଲି ପୁଲସ, ଅଗ୍ନିଶମ ବିଭାଗ ଓ ଓଡ୍ରାଫ ଦଳ ପହଞ୍ଚି ଅନ୍ୟ ଦୁଇଜଣଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରଖିଛନ୍ତି। ପ୍ରକାଶ ଯୋଗ୍ୟ ଯେ, ହାଇୱାଟି ଆଜି ଅପରାହ୍ଣରେ ସମ୍ବଲପୁର ରେଙ୍ଗାଲିରୁ ଆସୁଥିବାବେଳେ ଭାରସାମ୍ୟ ହରାଇ ସେତୁ ପାଚେରୀ ଭାଙ୍ଗି ଜଳ ଭଣ୍ଡାରରେ ଖସି ପଡିଥିଲା। ଦୃତଗତି ଯୋଗୁଁ ଏହି ଦୂର୍ଘଟଣା ହୋଇଥିବା ଅନୁମାନ କରାଯାଉଛି। ତେବେ ଖବର ଲେଖିବା ପର୍ଯ୍ୟନ୍ତ ଉଦ୍ଧାର କାର୍ଯ୍ୟ ଜାରି ରହିଛି।
