ରାୟଗଡ଼ା,ଏନ୍ଏନ୍ଏସ୍:କରୋନା ମହାମାରୀବେଳେ ସମଗ୍ର ମାନବ ସମାଜ ଏକ ଘଡିସନ୍ଧି ମୁହୂର୍ତ୍ତ ଦେଇ ଗତିକରୁଛି। ଏଭଳି ସମୟରେ ନିଜ ଜୀବନକୁ ବାଜି ଲଗାଇ କରୋନା ସଂକ୍ରମଣ ରୋକିବା ପାଇଁ ସଚେତନତା ବାର୍ତ୍ତା ବାଣ୍ଟୁଥିବା ଅଙ୍ଗନବାଡ଼ି କର୍ମୀଙ୍କୁ ଗୁରୁଦିବସ ଅବସରରେ ସମ୍ବର୍ଦ୍ଧନା ଜ୍ଞାପନ କରାଯାଇଛି। ସ୍ଥାନୀୟ ପୌର ହାଇସ୍କୁଲ ପକ୍ଷରୁ ଆଜି ତିନିଜଣ କରୋନା ଯୋଦ୍ଧାଙ୍କୁ ସମ୍ମାନିତ କରାଯାଇଛି। ଏମାନେ ହେଲେ ରାମକୃଷ୍ଣ ନଗର ଅଙ୍ଗନବାଡି କର୍ମୀ କେ.ରେଡ୍ଡୀ, ଜୟଗୁରୁ ମନ୍ଦିର ସାହିର ଜୟନ୍ତୀ ଜେନା ଓ ହରିଜନ ସାହିର ସସ୍ମିତା ବାଗ।
