କୋରୁକୋଣ୍ଡା,ଏନ୍ଏନ୍ଏସ୍: ମାଲକାନଗିରି ଜିଲ୍ଲା ମାଥିଲି ମେଡିକାଲ ସମ୍ମୁଖରେ ଆଜି ଏକ କାର ଓ ବାଇକ ମୁହାଁମୁହିଁ ଧକ୍କା ହୋଇଥିବା ଜଣାପଡ଼ିଛି। ଫଳରେ ଦୁଇ ବାଇକ ଆରୋହୀ ଗୁରୁତର ଆହତ ହୋଇଛନ୍ତି। ମିଳିଥିବା ସୂଚନାନୁଯାୟୀ ବାଇକ ଆରୋହୀ ଦ୍ୱୟ ଅତ୍ୟଧିକ ମଦ୍ୟ ପାନ କରି ମାଲକାନଗିରି ଆଡୁ ଆସୁଥିଲେ ଏବଂ କାରଟି ଜୟପୁର ଆଡୁ ଆସୁଥିଲା। କାରଟି ଠିକ ରାସ୍ତାରେ ଯାଉଥିବାବେଳେ ମୋଟରସାଇକଲଟି ଦ୍ରୁତ ଗତିରେ ଆସି କାରକୁ ଧକ୍କା ଦେଇଥିଲା। ଫଳରେ ୨ ମୋଟରସାଇକଲ ଆରୋହୀ ଗୁରୁତର ଆହତ ହୋଇଥିଲେ।
ସେଠାରୁ ସେମାନଙ୍କୁ ଉଦ୍ଧାର କରାଯାଇ ପ୍ରଥମେ ମାଥିଲି ମେଡିକାଲରେ ପ୍ରାଥମିକ ଚିକିତ୍ସା କରାଯାଇଥିଲା। ମାତ୍ର ସେଠାରେ ଅବସ୍ଥା ଗୁରୁତର ହେବାରୁ ସେମାନଙ୍କୁ କୋରାପୁଟ ମେଡିକାଲକୁ ସ୍ଥାନାନ୍ତର କରାଯାଇଛି। ସେହିପରି କାର ଚାଳକ ସୁରକ୍ଷିତ ଥିବା ଜଣାପଡ଼ିଛି। ଉଭୟ କାର ଓ ମୋଟରସାଇକଲ ଆରୋହୀ ମାଲକାନଗିରିର ବୋଲି ଜଣାପଡିଛି।
