ମାଲକାନଗିରି,ଏନ୍ଏନ୍ଏନ୍: ମାଲକାନଗିରି ଜିଲ୍ଲାର ମାଥିଲି ଥାନା କୋପ୍ରାଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଉକ୍ତ ଗ୍ରାମର ଖଗପତି ଖରାଙ୍କ ଦୁଇବର୍ଷର ଶିଶୁପୁତ୍ର ଜସୁରୋଜ ଖରାଙ୍କୁ ଜଣେ ଦୁର୍ବୃତ୍ତ ଟାଙ୍ଗିଆରେ ହାଣି ହତ୍ୟା କରିଥିବା ଅଭିଯୋଗ ହୋଇଛି। ଟାଙ୍ଗିଆ ଚୋଟରେ ଶିଶୁର ମୁଣ୍ଡ ଓ ପିଠିରେ କ୍ଷତ ହୋଇଛି। ଶିଶୁର ବାପା,ମାଆ ବଲକୁ କାମ କରିବାକୁ ଯାଇଥିବାବେଳେ ସେ ପୋଡ଼ଶୀଙ୍କ ଘରକୁ ଯାଇଥିଲା। ତେବେ ସେଠାରେ ତାଙ୍କୁ ହତ୍ୟା କରାଯାଇଥିବା ଜଣାପଡ଼ିଛି। ହତ୍ୟାର କାରଣ ଅସ୍ପଷ୍ଟ ରହିଛି। ମାଥିଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ଜଣକୁ ଅଟକ ରଖିଛି।
