ରାୟଗଡ଼ା,ଏନ୍ଏନ୍ଏସ୍:ରାୟଗଡା ଜିଲ୍ଲାରେ କମିବାରେ ଲାଗିଛି କରୋନା ପଜିଟିଭଙ୍କ ସଂଖ୍ୟା। ଜିଲ୍ଲାରୁ ଆଜି ମାତ୍ର ୨୫ ଜଣ ଚିହ୍ନଟ ହୋଇଛନ୍ତି। ମଙ୍ଗଳବାର ରେକର୍ଡ ସଂଖ୍ୟକ ୬୦୮ଜଣ କରୋନା ରୋଗୀ ସୁସ୍ଥ ହୋଇଥିବା ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ ଯୋଗେ ସୂଚନା ଦିଯାଇଥିଲା। ପ୍ରଥମଥର ଲାଗି ଏତେ ସଂଖ୍ୟକ ରୋଗୀ ସୁସ୍ଥ ହେବା ଘଟଣା ଜିଲ୍ଲାବାସୀଙ୍କ ପାଇଁ ଶୁଭ ଖବର ହୋଇଥିବାବେଳେ ଜିଲ୍ଲାରେ ମୋଟ ସୁସ୍ଥହାର ୭୮ ପ୍ରତିଶତରେ ପହଞ୍ଚିଛି। ଆଜି ଚିହ୍ନଟ ହୋଇଥିବା ୨୫ ଜଣଙ୍କ ମଧ୍ୟରୁ ରାୟଗଡା ପୌରାଞ୍ଚଳରୁ ୧୩ ଜଣ, ରାୟଗଡ଼ା ଗ୍ରାମାଞ୍ଚଳରୁ ୪ ଜଣ, ମୁନିଗୁଡ଼ା ବ୍ଲକ, ଗୁଣପୁର ଗ୍ରାମାଞ୍ଚଳ ଓ ରାମନାଗୁଡ଼ା ବ୍ଲକର ଦୁଇ ଜଣ ଲେଖାଏଁ, କାଶିପୁର ବ୍ଲକ ଓ ପଦ୍ମପୁରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।
