ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ବନଖଣ୍ଡ ଅଧୀନ ମିରିଗିଖୋଜି ପଞ୍ଚାୟତ ଅସନବାହାଳି ଗ୍ରାମରୁ ଆଜି ସକାଳେ ଏକ ୭ ଫୁଟ ଲମ୍ବର ଅଜଗର ସାପ ବନବିଭାଗ ଉଦ୍ଧାର କରି ଅଟେଇ ସଂରକ୍ଷିତ ଜଙ୍ଗଲରେ ଛାଡ଼ିଛି। ଏହି ସାପର ଓଜନ ୧୦ କେଜିରୁ ଅଧିକ ବୋଲି ରେଞ୍ଜର ପ୍ୱିତ୍ରମୋହନ ସୂଚନା ଦେଇଛନ୍ତି। ସୂଚନାଯୋଗ୍ୟ, ରବିବାର ପ୍ରେମଲତା ମହାନ୍ତ ତାଙ୍କ ଘରେ ଝାଡୁ ମାରୁଥିବା ବେଳେ ଏହି ସାପଟି ତାଙ୍କ କୁକୁଡ଼ାକୁ ଗିଳୁଥିବା ଦେଖିବାକୁ ପାଇଥିଲେ। ଏନେଇ ସେ ଖବର ଦେବାପରେ ବନ ବିଭାଗ କର୍ମଚାରୀ ପହଞ୍ଚି ସାପକୁ ଧରି ଅଟେଇ ରିଜର୍ଭ ଫରେଷ୍ଟରେ ଛାଡ଼ିଥିଲେ।
