ଆଳି,ଏନ୍ଏନ୍ଏସ୍: କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ୍ କାଣୀ ନଦୀର ବନ୍ୟା ପାଣିରେ ଜଣେ ବୃଦ୍ଧ ଭାସିଯାଇ ନିଖୋଜ ଅଛନ୍ତି। ସୂଚନା ଅନୁସାରେ, ପେତପଡା ଗ୍ରାମର କେଶବଚରଣ ଦାସ(୮୦) ଆଜି ଗୋପବନ୍ଧୁ ବିଦ୍ୟାପୀଠ ନିକଟରେ ଥିବା ତାଙ୍କ ତେଜରାତି ଦୋକାନ ବନ୍ଦକରି ଘରକୁ ଫେରୁଥିବା ବେଳେ ନଦୀର ପ୍ରଖର ସ୍ରୋତରେ ଭାସି ଯାଇଥିଲେ। ଗ୍ରାମବାସୀ ତାଙ୍କୁ ବହୁ ଖୋଜାଖୋଜି କରିଥିଲେ। ଏହାପରେ ଖବରପାଇ ଆଳି ଦମକଳ ବାହିନୀ ସେଠାରେ ପହଞ୍ଚି ଖୋଜିଥିଲେ ମଧ୍ୟ ତାଙ୍କର କୌଣସି ପତା ମିଳିନଥିଲା।
