ଭବାନୀପାଟଣା,ଏଜେନ୍ସି: ଭବାନୀପାଟଣା ସହରରେ ପୁଣି ଏକ ଜଙ୍ଗଲୀ ହାତୀ ପଶିଆସି ଜଣେ ବ୍ୟକ୍ତିକୁ ଆକ୍ରମଣ କରିଥିବା ଜଣାପଡ଼ିଛି। ସୂଚନା ଅନୁସାରେ ଭାଲୁଟି ଗତକାଳି ବିଳମ୍ବିତ ରାତ୍ରିରୁ ସହରରେ ପ୍ରବେଶ କରିଥିଲା। ତେବେ ଆଜି ଭୋରରେ ଜଣେର ସାଇକେଲ ଆରୋହୀକୁ ଭାଲୁଟି ଆକ୍ରମଣ କରିଥିଲା। ସେହି ସମୟର ଭିଜୁଆଲ ସିସିଟିଭିରେ କଏଦ ହୋଇଛି। ତେବେ ନିକଟରେ ଉପସ୍ଥିତ ଥିବା ଲୋକ ପହଞ୍ଚି ଭାଲୁ ଆକ୍ରମଣରୁ ଲୋକଟିକୁ ଉଦ୍ଧାର କରିଥିଲେ।
ଖବରପାଇ ବନବିଭାଗ ପହଞ୍ଚି ଭାଲୁକୁ କାବୁ କରିବା ପାଇଁ ଉଦ୍ୟମ ଚଳାଇଛି। ଦୀର୍ଘ ଘଣ୍ଟା ପରେ ବନ ବିଭାଗ ଭାଲୁଟିକୁ କାବୁ କରିବାରେ ସଫଳ ହୋଇଛି। ସେହିପରି ଗତ ୧୫ ତାରିଖରେ ମଧ୍ୟ ଏକ ଜଙ୍ଗଲୀ ଭାଲୁ ସହର ମଧ୍ୟକୁ ପଶି ଆସିଥିଲା। ଆଜି ପୁଣି ଏକ ଭାଲୁ ସହର ଭିତରକୁ ପଶି ଆସିଥିବାରୁ ଲୋକେ ଆତଙ୍କିତ ହୋଇପଡିଛନ୍ତି।
