ବ୍ରହ୍ମପୁର,ଏନ୍ଏନ୍ଏସ୍: ଗଞ୍ଜାମ ଜିଲ୍ଲା ଆସିକା ବ୍ଲକ୍ ବାଡୁଳ ଛକରେ ଏକ ଅଭାବନୀୟ ଘଟଣା ଘଟିଯାଇଛି। ସାହପୁର ଗ୍ରାମର ଜଣେ ୨୭ ବର୍ଷୀୟ ସ୍ଥଳସେନା କର୍ମଚାରୀ ରଞ୍ଜନ ନାହାକଙ୍କୁ ନିର୍ମମ ଭାବେ ହାଣି ହତ୍ୟା କରାଯାଇଛି। ସୂଚନା ଅନୁସାରେ ବୁଧବାର ରାତିରେ ରଞ୍ଜନ ତା ସାଙ୍ଗମାନଙ୍କ ସହିତ ବାଡୁଳା ଛକକୁ ଯାଇଥିବାବେଳେ ଏହି ଆକ୍ରମଣ ହୋଇଥିଲା। ଏଥିରେ ରଞ୍ଜନ ଓ ତା ୨ ସାଙ୍ଗ ଗୁରୁତର ଆହତ ହୋଇଥିଲେ। ସେଠାରୁ ତାଙ୍କୁ ଆସିକା ହସ୍ପିଟାଲକୁ ନିଆଯାଇଥିଲା। ମାତ୍ର ସେଠାରେ ଡାକ୍ତର ରଞ୍ଜନଙ୍କୁ ମୃତ ଘୋଷଣା କରିଥିଲେ।
ସେହିପରି ରଞ୍ଜନଙ୍କ ୨ ସାଙ୍ଗ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଡାକ୍ତର ସୂଚନା ଦେଇଛନ୍ତି। ସେହିପରି ଘଟଣାସ୍ଥଳରେ ସ୍ଥାନୀୟ ଗାଙ୍ଗପୁର ପୁଲିସ ପହଞ୍ଚି ତଦନ୍ତ କରୁଛି। ତେବେ ଆହତ ବ୍ୟକ୍ତିଙ୍କ ଚେତା ଫେରିଲେ ଏହି ଘଟଣାର ପ୍ରକୃତ କାରଣ ଜଣାପଡ଼ିବ ବୋଲି ପୁଲିସ ପକ୍ଷରୁ କୁହାଯାଇଛି।
