ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲା ବ୍ରଜରାଜନଗର ଥାନା ଇବପିଟ ନିବାସୀ ସଞ୍ଜୟ ସିଂଙ୍କ ଘରୁ ଚୋରି ହୋଇଥିବା ସାମଗ୍ରୀ ଉଦ୍ଧାର କରିବାସହ ପୁଲିସ ୫ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ସଦାନନ୍ଦ ଛତ୍ରିଆ, ସୁଶୀଲ ଖଡ଼ିଆ, ମାଧବ ଖଡ଼ିଆ, ଘନଶ୍ୟାମ ଦାସ, ବୈକୁଣ୍ଠ ମହାନନ୍ଦ । ସୂଚନା ଅନୁଯାଇ ସଞ୍ଜୟ ସିଂ ନିଜ ପରିବାର ସହ ଗତ ୩ ତାରିଖ ଲମଟିବାହାଲ ଯାଇ ଗତ ୧୭ ତାରିଖରେ ଫେରିଥିଲେ। ଘରେ କେହି ନରହିବାର ସୁଯୋଗ ନେଇ ଦୁବୃର୍ତ୍ତମାନେ ତାଙ୍କ ଘରୁ ୧୧ଟି ଶିଲିଂ ଫ୍ୟାନ, ଗୋଟିଏ ଗ୍ୟାସ ସିଲିଣ୍ଡର ଓ ଚୁଲା, ଟିଭି, ଟାଟା ସ୍କାଏ ଏବଂ ଅନ୍ୟ ଘରୋଇ ଉପକରଣ ଚୋରି କରି ନେଇଥିଲେ। ଏନେଇ ସଞ୍ଜୟ ଥାନାରେ ଲିଖିତ ଅଭିଯୋଗ କରିବାପରେ ପୁଲିସ ତଦନ୍ତ କରିବାସହ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।
