ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର ସୁକୁମା ଜିଲ୍ଲାର ଜଗରଗୁଣ୍ଡା ଥାନା ଅଞ୍ଚଳରେ ପୁଲିସ ମାଓବାଦୀ ମଧ୍ୟରେ ଗୁଳି ବିିମୟ ଘଟି ୪ ଜଣ ମାଓବାଦୀ ନିହତ ହୋଇଥିବା ଜଣାପଡ଼ିଛି। ଜଗରଗୁଣ୍ଡା ଥାନା ଅଞ୍ଚଳର ଏକ ଜଙ୍ଗଲରେ ମାଓବାଦୀମାନେ ଏକାଠି ଥିବା ଖବର ପାଇ କୋପ୍ରା ୨୦୧ ବାଟାଲିୟନର ଜବାନ, ସିଆରପିଏଫର ୨୨୩ ବାଟାଲିୟନ ଓ ଡିଆରଜିର ଏକ ଦଳ ସମ୍ପୃକ୍ତ ଅଞ୍ଚଳରେ ସର୍ଚ ଅପରେସନ କରିଥିଲେ। ଏହି ସମୟରେ ମାଓବାଦୀମାନେ ଜବାନଙ୍କୁ ଦେଖି ଗୁଳି ଚଲାଇ ଥିଲେ। ଏହାର ଜବାବରେ ସୁରକ୍ଷାକର୍ମୀମାନେ ପାଲଟା ଗୁଳି ଚାଳନା କରିବାରୁ ମାଓବାଦୀମାନେ ସେଠୁ ଖସି ପଳାଇଥିଲେ। ଏହାପରେ ଜବାନମାନେ ଘଟଣାସ୍ଥଳରେ ତଲାସୀ କରିବା ବେଳେ ୪ ଜଣ ମାଓବାଦୀଙ୍କ ମୃତଦେହ ସହ କିଛି ଅସ୍ତ୍ରଶସ୍ତ୍ର ଜବତ କରିଥିବା ଜଣାପଡ଼ିଛି।
