ଦେବଗଡ଼,ଏନ୍ଏନ୍ଏସ୍: ଦେବଗଡ଼ ଥାନା କୈଳାସ ଛକ ନିକଟ ୪୯ନଂ ଜାତୀୟ ରାଜରେ ଆଜି ସକାଳେ ଅଜଣା ଗାଡି ଧକ୍କାରେ ଜଣେ କିନ୍ନରଙ୍କ ମୃତ୍ୟୁ ଘଟିଛି। ମୃତ କିନ୍ନର ଜଣକ ସମ୍ବଲପୁର ଜିଲ୍ଲା ଚାରମାଳ ଥାନା ଅଞ୍ଚଳର ଶୁଶିଲ କୁମାର ସାହୁ ବୋଲି ଜଣାପଡିଛି। ସୂଚନା ଅନୁଯାୟୀ, ଶୁଶିଲ ଆଜି ସକାଳେ ୪୯ନଂ ଜାତୀୟ ରାଜପଥ କଡ଼ରେ ଛିଡାହୋଇ ମାଲବାହୀ ଟ୍ରକକୁ ଅଟକାଇବା ପାଇଁ ଚେଷ୍ଟା କରୁଥିବାବେଳେ ଟ୍ରକଟି ଧକ୍କାଦେଇ ଫେରାର ହୋଇଯାଇଥିଲା। ଗୁରୁତର ଅବସ୍ଥାରେ ଅନ୍ୟ କିନ୍ନରମାନେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଦେବଗଡ ଥାନା ପୁଲିସ ମୃତଦେହ ଜବତ କରିବା ସହ ଏକ ମାମଲା ରୁଜୁକରି ଘଟଣାର ତଦନ୍ତ ଆରମ୍ଭ କରିଛି।
