ବଲାଙ୍ଗିର,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲାରେ ଆଉ ୨୧ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ସମ୍ଫୃକ୍ତ ଆକ୍ରାନ୍ତଙ୍କ ମଧ୍ୟରେ ୨ ଜଣ କରୋନା ଯୋଦ୍ଧା ଓ ଜଣେ ସିଆରପିଏଫ ଯବାନ ରହିଥିବାବେଳେ ସୁଦପଡ଼ା, ପୁଇଁନ୍ତଲା ବ୍ଲକ, କଣ୍ଟାବାଞ୍ଜି ଓ ଟିକ୍ରାପଡ଼ାରୁ ୨ ଲେଖାଏଁ, ବିଭୂତିପଡ଼ା, ଜେଲ କଲୋନୀ, ବେହେରାପାଲିର, ତାଲପାଲି ପଡ଼ା,ଚଟିଆପାଲି, ମୁରିବାହାଲ ବ୍ଲକ ତେନ୍ତୁଳିଖୁଣ୍ଟି ଓ ଡୁଙ୍ଗୁରିପଡ଼ାରୁ ଜଣେ ଲେଖାଏଁ ରହିଥିବା ଜଣାପଡ଼ିଛି।
ସୂଚନାଯୋଗ୍ୟ, ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୫୧କୁ ବୃଦ୍ଧି ପାଇଛି। ସେଥିମଧ୍ୟରୁ ୩୬୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ଓ ୧୮୯ ଜଣ ଚିକିତ୍ସିତ ହେଉଛନ୍ତି।
