ନବରଙ୍ଗପୁର,ଏନ୍ଏନ୍ଏସ୍: ନବରଙ୍ଗପୁରରୁ ୯ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ନବରଙ୍ଗପୁର ସହରରୁ ୫ଜଣ, ତେନ୍ତୁଲିଖୁଣ୍ଟରୁ ୨ଜଣ, ଡାବୁଗାଁ ଓ ପାପଡ଼ାହାଣ୍ଡିରୁ ଜଣେ ଲେଖାଏଁ ରହିଛନ୍ତି। ସମସ୍ତ ଆକ୍ରାନ୍ତଙ୍କୁ ସ୍ଥାନୀୟ କୋଭିଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିବା ଜଣାପଡ଼ିଛି।
ସେହିପରି ବର୍ଦ୍ଧିତ ସଂକ୍ରମଣକୁ ଦୃଷ୍ଟିରେ ରଖି ନବରଙ୍ଗପୁର, ପାପଡ଼ାହାଣ୍ଡି ଓ ଉମରକୋଟ ସହରକୁ ଜିଲ୍ଲାପାଳ ଡା.ଅଜିତ କୁମାର ମିଶ୍ର ସୋମବାର ସଟଡାଉନ ଘୋଷଣା କରିଛନ୍ତି। ବିନା କାରଣରେ ଘରୁ ନବାହାରିବା ପାଇଁ ଅନୁରୋଧ କରିବା ସହ ସମସ୍ତେ ମିଳିମିଶି କରୋନା ବିରୋଧରେ ଲଢ଼ିଲେ ଜିତିବା ବୋଲି ଡା.ମିଶ୍ର ଦୃଢୋକ୍ତି ପ୍ରକାଶ କରିଛନ୍ତି।
