ଫୁଲବାଣୀ,ଏନ୍ଏନ୍ଏସ୍: ଆଜି ଜିଲ୍ଲାରେ ୧୪ କରୋନା ପଜିଟିଭ ଚିହ୍ନଟ ହୋଇଥିବାବେଳେ ମୋଟ ସଂକ୍ରମିତଙ୍କ ସଂଖ୍ୟା ୪୭୭ ହୋଇଛି। ୧୪ ସଂକ୍ରମିତଙ୍କ ମଧ୍ୟରୁ ୯ ଜଣ ପୁରୁଷ ଓ ୫ ମହିଳା ରହିଛନ୍ତି। ଏମାନଙ୍କ ମଧ୍ୟରେ ଜଣେ ଏଏସଆଇ ଓ ଜଣେ କନଷ୍ଟେବଲ ରହିଛନ୍ତି। ଅନ୍ୟ ଦୁଇଜଣ ସିଆରପିଏଫ ଜବାନ ମଧ୍ୟ ଅଛନ୍ତି। ଚିହ୍ନଟଙ୍କ ମଧ୍ୟରେ ଫୁଲବାଣୀରୁ ଜଣେ, ଜି.ଉଦୟଗିରିରୁ ୩ ଜଣ, ଟିକାବାଲିରୁ ୩ ଜଣ, ତୁମୁଡିବନ୍ଧରୁ ଜଣେ, ରାଇକିଆରୁ ଜଣେ, ଚକାପାଦରୁ ଜଣେ ଓ ବାଲିଗୁଡାରୁ ୪ ଜଣ ଅଛନ୍ତି। ସମସ୍ତ ସଂକ୍ରମିତଙ୍କୁ କୋଭିଡ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ବର୍ତ୍ତମାନ ସୁଦ୍ଧା ଚିହ୍ନଟ ୪୭୭ ଜଣ ସଂକ୍ରମିତଙ୍କ ମଧ୍ୟରୁ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୨୯୦ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ବର୍ତ୍ତମାନ ଆଉ ୧୮୫ ଜଣ ଚିକିତ୍ସିତ ହେଉଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
