ଦେଓଗାଁ,ଏନ୍ଏନ୍ଏସ୍: ଦେଓଗାଁ ଥାନା ଅନ୍ତର୍ଗତ ହାତିସରା ରେଳୱେ ବ୍ରିଜ ନିକଟରେ ମଙ୍ଗଳବାର ରାତିରେ ଟ୍ରେନ ଆଗକୁ ଡେଇଁ ଜଣେ ପ୍ରବାସୀ ଶ୍ରମିକ ମୃତ୍ୟୁବରଣ କରିଛନ୍ତି। ବୁଢ଼ାବାହଲ ଗାଁର ମନୋଜ ନାଗ କୌଣସି କାରଣକୁ ନେଇ ମଙ୍ଗଳବାର ଦିନ ଘରେ ଝଗଡ଼ା କରିଥିଲେ। ରାତିରେ ଘରକୁ ନଫେରିବାରୁ ପରିବାର ଲୋକେ ଖୋଜାଖୋଜି କାରିଥିଲେ ମଧ୍ୟ ପାଇନଥିଲେ। କିନ୍ତୁ ବୁଧୁବାର ହାତିସରା ନିକଟରେ ଏକ ଖଣ୍ଡବିଖଣ୍ଡିତ ଶବ ପଡ଼ିଥବା ଦେଖି ପରିବାର ଲୋକେ ମନୋଜର ବୋଲି ଚିହ୍ନଟ କରିଥିଲେ। ପରେ ରେଳଧାରଣା ସ୍ଥଳକୁ ଜିଆରପି ପୁଲିସ ପହଂଚି ଶବକୁ ଜବତ କରିଛି।
ସୂଚନାଯୋଗ୍ୟ, ଲକଡାଉନ ଯୋଗୁ କାମଧନ୍ଦା ବନ୍ଦ ହୋଇଯିବାରୁ ତାମିଲନାଡ଼ୁର ତୀରପୁରରେ ରହୁଥିବା ମନୋଜ ଘରକୁ ପଳାଇ ଆସିଥିଲେ। ହେଲେ ଗାଁରେ କୌଣସି କାମ ନପାଇ ମନୋଜ ଚାପଗ୍ରସ୍ତ ରହୁଥିବା ଗ୍ରାମବାସୀ କହିଛନ୍ତି।
