ଚକାପାଦ,ଫୁଲବାଣୀ,ଏନ୍ଏନ୍ଏସ୍: କନ୍ଧମାଳ ଜିଲ୍ଲା ଟିକାବାଲି ଥାନା ଶଙ୍କରାଖୋଲ ନିକଟରେ ଆଜି ଏକ ବାଇକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ହୋଇଛି। ଆଜି ଦୁଇଜଣ ଯୁବକ ଏକ ବାଇକରେ ଯାଉଥିବାବେଳେ ଶଙ୍କରାଖୋଲ ନିକଟ ବୁଲାଣିରେ ଭାରସାମ୍ୟ ହରାଇ ସାଇଟ ୱାଲରେ ପିଟି ହୋଇଥିଲେ। ଫଳରେ ଉଭୟ ଯୁବକ ଗୁରୁତର ହୋଇଥିଲେ। ସେମାନଙ୍କୁ ତୁରନ୍ତ ଡାକ୍ତରଖାନା ପଠାଯାଇଥିଲା।
ଏଠାରେ ଡାକ୍ତର ଜଣେ ଯୁବକଙ୍କୁ ମୃତ ଘୋଷଣା କରିଥିଲେ। ତାଙ୍କ ନାମ ଗଙ୍ଗାଧର କହଁର ଏବଂ ତାଙ୍କ ଘର ଟିକାବାଲି ବ୍ଲକ କଇଁଝର ପଞ୍ଚାୟତର ଗଣ୍ଡଗାଁ ପିଲିକାନାଜୁ ବୋଲି ଜଣାଯାଇଛି । ଗୁରୁତର ଯୁବକ ଜଣକ ବପଲମେଣ୍ଡି ଗ୍ରାମର ଟମେ କହଁର। ଅଧିକ ଚିକିତ୍ସା ପାଇଁ ତାଙ୍କୁ ବ୍ରହ୍ମପୁର ପଠାଯାଇଛି। ଏନେଇ ଟିକାବାଲି ପୁଲିସ ଏକ ମାମଲା ରୁଜୁ କରି ତଦନ୍ତ କରିବାସହ ଶବ ବ୍ୟବଚ୍ଛେଦ ପାଇଁ ପଠାଇଥିବା ଥାନା ଅଧିକାରୀ ରେବତୀ ଶବର ସୂଚନା ଦେଇଛନ୍ତି।
