ରାଉରକେଲା,ଏନ୍ଏନ୍ଏସ୍: କାଠପୋଲରେ ନଦୀ ପାର କରୁଥିବା ସମୟରେ ଏକ ଅଭାବନୀୟ ଘଟଣା ଘଟିଛି। ରାଉରକେଲାର ଲାଠିକେଟା ଥାନା ଅନ୍ତର୍ଗତ ବ୍ରାହ୍ମଣୀ ନଦୀରେ ଜଣେ ୪ ବର୍ଷର କୁନି ଝିଅ ଭାସିଯାଇଥିବା ଜଣାପଡ଼ିଛି।
ମିଳିଥିବା ରିପୋର୍ଟ ମୁତାବକ, ଜଣେ ବୃଦ୍ଧା ତାଙ୍କ ଦୁଇ ନାତି ନାତୁଣୀଙ୍କ ସହ ଟିମଜୋର ଆସିଥିଲେ। ସେଠାରୁ ଫେରୁଥିବା ସମୟରେ ସେମାନଙ୍କୁ ଏକ କାଠପୋଲ ଅତିକ୍ରମ କରିବାକୁ ପଡ଼ିଥିଲା। ପୋଲ ଅତିକ୍ରମ କରୁଥିବା ସମୟରେ ହଠାତ୍ ଗୋଟିଏ କାଠ ଖସି ପଡ଼ିଥିଲା। ଫଳରେ ୩ ଜଣ ଯାକ ନଦୀରେ ଖସି ପଡ଼ିଥିଲେ। ସ୍ଥାନୀୟ ଲୋକେ ତୁରନ୍ତ ବୃଦ୍ଧା ଓ ନାତିଙ୍କୁ ଉଦ୍ଧାର କରିଥିଲେ । ହେଲେ ବହୁ ଉଦ୍ୟମ ସତ୍ୱେ ୪ ବର୍ଷୀୟ ନାତୁଣୀ ଭାସି ଯାଇଥିଲେ। ଖବର ପାଇ ଅଗ୍ନିଶମ ବିଭାଗ ଶିଶୁଟିକୁ ଖୋଜାଖୋଜି କରିଥିଲେ ମଧ୍ୟ ଏପର୍ଯ୍ୟନ୍ତ ଉଦ୍ଧାର କରିପାରି ନାହିଁ।
