ନୟାଗଡ଼,ଏନ୍ଏନ୍ଏସ୍: ନୟାଗଡ଼ ଜିଲ୍ଲା ଟାଉନଥାନା ଅନ୍ତର୍ଗତ ତୁଳସୀପୁର ଜାତୀୟ ରାଜପଥ ବ୍ରିଜ ତଳୁ ଆଜି ଜଣେ ଯୁବକଙ୍କ ମୃତ ଦେହ ସନ୍ଦେହ ଜନକ ଅବସ୍ଥାରେ ଉଦ୍ଧାର କରାଯାଇଛି। ମୃତକ ଜଣଙ୍କ ତୁଳସୀପୁର ଗ୍ରାମର ଗୋବିନ୍ଦ ଲେଙ୍କାଙ୍କ ପୁଅ ପୂର୍ଣ୍ଣଚନ୍ଦ୍ର ଲେଙ୍କା।
ତାଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ପରିବାର ପକ୍ଷରୁ ଅଭିଯୋଗ ହେଉଥିବା ବେଳେ ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହିତ ଘଟଣାର ଯାଞ୍ଚ କରୁଛି। ଅନ୍ୟପଟେ ଗତକାଲି ଠାରୁ ସେ ଘରକୁ ଫେରିନଥିବା ବେଳେ ତାଙ୍କର ଗ୍ରାମର କିଛି ଲୋକଙ୍କ ସହ ବିବାଦ ରହିଥିବା ନେଇ ବାପା ମତ ଦେଇଛନ୍ତି।
