ପାଟଣା,ଏନ୍ଏନ୍ଏସ୍ : କେନ୍ଦୁଝର ଜିଲ୍ଲା ତୁରୁମୁଙ୍ଗା ପୋଲିସ ବୁଧବାର ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଯୁବକ ହେଲେ କରଞ୍ଜିଆ ଥାନା କିଶୋର କୁମାର ସାହୁଙ୍କ ପୁଅ ରାଜେଶ କୁମାର ସାହୁ(୨୫)।
ଅଭିଯୋଗ ଅନୁଯାୟୀ, ତୁରୁମୁଙ୍ଗା ଥାନା ଅଞ୍ଚଳର ଜଣେ ଯୁବତୀ କରଞ୍ଜିଆ କଲେଜରେ ପଢ଼ୁଥିବା ବେଳେ ଯୁବକ ଜଣଙ୍କ ତାଙ୍କୁ ଏକ ତରଫା ଭଲ ପାଉଥିଲେ। ନିକଟରେ ଯୁବତୀଙ୍କ ଅନ୍ୟତ୍ର ବିବାହ ଠିକ ହେବା ପରେ ଯୁବକ ଜଣଙ୍କ ଯୁବତୀଙ୍କ ଘରକୁ ଆସି ଏସିଡ୍ ପକାଇ ପୋଡି ମାରିଦେବାର ଧମକ ଦେଇଥିଲା।
ଏପରି କି କିଛିଦିନ ପୂର୍ବରୁ ଯୁବକ ଜଣଙ୍କ ତୁରୁମୁଙ୍ଗା ବଜାର ଉପରେ ମଧ୍ୟ ଅସଦାଚରଣ କରିବା ସହିତ ଧମକ ଦେଇଥିଲେ। ଏନେଇ ଯୁବତୀଙ୍କ ପରିବାର ପକ୍ଷରୁ ତୁରୁମୁଙ୍ଗା ଥାନାରେ ଅଭିଯୋଗ ପରେ ଅଭିଯୁକ୍ତ ଯୁବକକୁ ତୁରୁମୁଙ୍ଗା ଥାନା ପୁଲିସ ଏକ ମାମଲା ରୁଜୁ କରି ଗିରଫ କରି କୋର୍ଟ ଚାଲାଣ କରିଛି।
