ଭୁବନେଶ୍ୱର,ଏନ୍ଏନ୍ଏସ୍: କାଲିଠାରୁ ରାଜ୍ୟରେ ଘରୋଇ ବସ୍ ଚଳାଚଳ ଆରମ୍ଭ ହେବାକୁ ଯାଉଛି। ଏ ନେଇ ଆଜି ବସ ମାଲିକ ସଂଘର ସାଧାରଣ ପରିଷଦ ମିଟିଂରେ ନିଷ୍ପତ୍ତି ହୋଇଥିବା ବସ୍ ମାଲିକ ସଂଘର ସାଧାରଣ ସମ୍ପାଦକ ଦେବେନ୍ଦ୍ର ସାହୁ ସୂଚନା ଦେଇଛନ୍ତି।
ତେବେ କାଲି ଠାରୁ ରାଜ୍ୟରେ ବସ୍ ଚଳାଚଳ କରିବାକୁ ଥିବା ବେଳେ କିଛି ମାତ୍ରାରେ ବସ୍ ଚାଲିବ। ଏବଂ ରାଜ୍ୟରେ ସମ୍ପୂର୍ଣ୍ଣ ବସ୍ ସେବା ସ୍ୱାଭାବିକ ହେବାପାଇଁ ପାଖାପାଖି ୧୦ ଦିନ ଲାଗିଯିବ ବୋଲି ସଂଘ ପକ୍ଷରୁ କୁହାଯାଇଛି। ତେବେ କେଉଁ ଅଞ୍ଚଳରେ ବସ୍ ଚାଲିବ ନାହିଁ ଓ କେଉଁ ଠାରେ ଚାଲିବ ଏ ନେଇ କୌଣସି ତଥ୍ୟ ମିଳିପାରି ନାହିଁ ।
