ନବରଙ୍ଗପୁର,ଏନ୍ଏନ୍ଏସ୍: ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ଥାନା ଅଧିନସ୍ଥ ହଳଦୀ ଗ୍ରାମ ନିକଟରେ ଏକ ହତ୍ୟା କାଣ୍ଡ ଘଟିଛି। ଅଭିଯୁକ୍ତ ଜଣକ ବୃଦ୍ଧଙ୍କୁ ଟାଙ୍ଗିଆ ଓ ଧାରୁଆ ଛୁରୀରେ ହାଣି ହତ୍ୟା କରିଥିବା ଜଣାପଡ଼ିଛି। ଏହା ପରେ ରାତି ତମାମ ଉକ୍ତ ଶବ ପାଖରେ ରକ୍ତ ଜୁଡୁବୁଡୁ ଅବସ୍ଥାରେ ଜଗି ରହିଥିବା ଦେଖିବାକୁ ମିଳିଛି। ଚନ୍ଦାହାଣ୍ଡି ଥାନା ଅଧୀନସ୍ଥ ଜମାଦରପଡା ଗ୍ରାମନିବାସୀ ମିନିଚନ୍ଦ୍ ଚୌହାନ (୬୫) ଗତକାଲି ଚନ୍ଦାହାଣ୍ଡି ଗ୍ରାମର ନିଜ ସମ୍ପର୍କୀୟଙ୍କ ଘରକୁ ଏକ ଦଶାହ କାର୍ଯ୍ୟରେ ଯୋଗ ଦେବା ପାଇଁ ଯାଇଥିଲେ। ଅଭିଯୁକ୍ତ ହିରନ୍ୟ ବାଘ କୌଶଳ କରି ମିନିଚନ୍ଦଙ୍କୁ ହଳଦୀ ଗ୍ରାମ ବାହାରେ ତାଙ୍କ କୁଡିଆ ପାଖକୁ ଡାକି ନେଇଥିଲା ଓ ସେଠାରେ ଏକ ଟାଙ୍ଗିଆରେ ଆକ୍ରମଣ କରି ଅତି ନିର୍ମମ ଭାବେ ହତ୍ୟା କରିଥିଲା।
ରାତି ତମାମ ରକ୍ତ ଯୁଡୁବୁଡୁ ଅବସ୍ଥାରେ ଜଗିରହିଥିଲା। ଏସମ୍ପର୍କରେ ଚନ୍ଦାହାଣ୍ଡି ଥାନାରେ ମୃତ ମିନିଚାନ୍ଦଙ୍କ ପୁଅ ବାପା ଘରକୁ ଫେରିବାର ବିଳମ୍ବ କାରଣରୁ ଏକ ଏତଲା ଦେଇଥିଲେ। ଘରଲୋକ ସକାଳେ ମନିଚାନ୍ଦଙ୍କ ହତ୍ୟା ହୋଇଯାଇଥିବା ଖବର ଶୁଣିବାକୁ ପାଇଥିଲେ। ଘଟଣା ସ୍ଥଳରେ ପହଞ୍ଚିଥିଲେ ପରିବାର। ତେବେ ହତ୍ୟା କାଣ୍ଡ ଭିଆଇ ଶବ ପାଖରେ ଜଗି ରହିଥିବା ହିରଣ୍ୟ ମୃତ ମୀନିଚାନ୍ଦଙ୍କ ପରିବାର ବର୍ଗଙ୍କୁ ଦେଖି ତାଙ୍କୁ ମଧ୍ୟ ମାରିବାକୁ ଆକ୍ରମଣର ଉଦ୍ୟମ କରିଥିଲା ଏହାପରେ ସ୍ଥାନୀୟ ପୁଲିସ ଥାନା ଅଧିକାରୀ ଅଭୟ ବେହେରାଙ୍କ ନେତୃତ୍ୱରେ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରି ଥାନାରେ ଅଟକ ରଖିଥିବା ବେଳେ ଉମରକୋଟ ଏସଡିପିଓ ହେମନ୍ତ କୁମାର ପାଢୀ ଘଟଣାର ତଦନ୍ତ ଜାରି ରଖିଛନ୍ତି।
