ଭୁବନେଶ୍ବର,ଏନ୍ଏନ୍ଏସ୍: କାଲିଠୁ ଭୁବନେଶ୍ୱର ଓ କଟକରେ ଗଡ଼ିବ ମୋ ବସ୍ । ୭ଟି ରୁଟ୍ରେ ନନ୍ ଏସି ବସ୍ ଚଳାଚଳ କରିବ। ଏନେଇ CRUT ପକ୍ଷରୁ ସୂଚନା ଦିଆଯାଇଛି। ସକାଳ ୭ରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଦୁଇଟି ସହରରେ ମୋ ବସ୍ ଚାଲିବ।
ଏରାୟପୋର୍ଟରୁ କଟକ ସିଡିଏ, ନନ୍ଦନବିହାରରୁ ଲିଙ୍ଗିପୁର, ମାଷ୍ଟର କ୍ୟାଣ୍ଟିନରୁ ସିଡିଏ, ମାଷ୍ଟର କ୍ୟାଣ୍ଟିନରୁ ଖୋର୍ଦ୍ଧା, ମାଷ୍ଟର କ୍ୟାଣ୍ଟିନ୍ରୁ ସମ୍ ହସ୍ପିଟାଲ୍, ଡୁମଡୁୁମାରୁ ମଞ୍ଚେଶ୍ୱର ଓ ମାଷ୍ଟର କ୍ୟାଣ୍ଟିନରୁ ଏମ୍ସ ପର୍ଯ୍ୟନ୍ତ ଚାଲିବ ମୋ ବସ୍।
ଏଥିପାଇଁ ସ୍ବତନ୍ତ୍ର ଗାଇଡଲାଇନ୍ ଜାରି ହୋଇଛି। ସିଟ୍ କ୍ଷମତା ଅନୁସାରେ ଯାତ୍ରୀ ଯିବେ। ଠିଆ ହୋଇ କେହି ଯାଇ ପାରିବେ ନାହିଁ। ସମସ୍ତ ଯାତ୍ରୀ ମାସ୍କ ପିନ୍ଧିବା ବାଧ୍ୟତାମୂଳକ, ନହେଲେ ବସରେ ଉଠିବାକୁ ଦିଆଯିବ ନାହିଁ। ସେହିପରି ଆଗାମୀ ଦିନରେ ଅଧିକ ରୁଟରେ ମୋ ବସ୍ ଚଳାଚଳ କରିବ।
