ଭବାନୀପାଟଣା,ଏନ୍ଏନ୍ଏସ୍: କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଆମଗୁଡାପାଖରେ ଆଜି ଏକ ପିକଅପ ଭ୍ୟାନ ଭାରସାମ୍ୟ ହରାଇ ଓଲଟି ପଡ଼ିଛି। ସୂଚନା ଯୋଗ୍ୟ ଯେ ଓଡ଼ି- ୦୮-ଜି-୮୬୬୮ ପିକଅପ ଭ୍ୟାନ ଯୋଗେ ଆଜି ପଞ୍ଜିଆ ଗ୍ରାମରୁ ୩୦ରୁ ଊଦ୍ଧ୍ୱର୍ ଶ୍ରମିକ ନିକଟସ୍ଥ ଘୋଟିଆକୁ ଘର କାମ ପାଇଁ ଯାଉଥିଲା। ତେବେ ଆମଗୁଡା ପାଖରେ ଭାରସାମ୍ୟ ହରାଇ ଏହି ପିକଅପ ଗାଡି ଦୁର୍ଘଟଣା ହୋଇଥିବା ଜଣାପଡ଼ିଛି। ଦୁର୍ଘଟଣାରେ ପିକଅପରେ ଥିବା ଶ୍ରମିକ ମାନେ ଖଣ୍ଡିଆ ଖାବରା ହୋଇଥିବା ବେଳେ ଗୁରୁତର ମାନଙ୍କୁ ଧର୍ମଗଡ଼ ଡାକ୍ତରଖାନାକୁ ପଠାଇ ଥିବା ସୂଚନା ମିଳିଛି।
ତେବେ କିଭଳି ଭାବରେ ଏହି ମାଲବାହି ପିକଅପ ଭ୍ୟାନ ଯୋଗେ ଏତେ ଶ୍ରମିକଙ୍କୁ ନିଆ ଯାଉଥିଲା ତାହା ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି। ଖବରପାଇ ଘଟଣାସ୍ଥଳରେ ଗୋଲାମୁଣ୍ଡା ଓ ଦଶପୁର ପୁଲିସ ପହଞ୍ଚି ଆଦତ ଶ୍ରମିକଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛନ୍ତି।
