ଭୁବନେଶ୍ୱର,ଏନ୍ଏନ୍ଏସ୍ : ଲକଡାଉନ ନିୟମ ଉଲ୍ଲଂଘନ କରି ଗିରଫ ହୋଇଛନ୍ତି ଅଭିନେତ୍ରୀ ତଥା ମଡେଲ ପୁନମ ପାଣ୍ଡେ। କୌଣସି କାରଣ ନ ଥାଇ ଓ ବିନା ଅନୁମତିରେ ପୁନମ ନିଜର ବନ୍ଧୁ ସୈମ ଅହମ୍ମଦଙ୍କ ସହିତ ମୁମ୍ବାଇର ମେରାଇନ ଡ୍ରାଇଭରେ ଗାଡ଼ି ନେଇ ବୁଲୁଥିଲେ। ପୁଲିସ ରବିବାର ରାତିରେ ତାଙ୍କୁ ଗିରଫ କରିଛି। ଏହା ସହିତ ଦୁହେଁ ବ୍ୟବହାର କରୁଥିବା କାର ମଧ୍ୟ ଜବତ କରିଛି ପୁଲିସ। ସେମାନେ ବାନ୍ଦ୍ରାରୁ ମେରାଇନ ଡ୍ରାଇଭ ପର୍ଯ୍ୟନ୍ତ ଯାତ୍ରା କରିଥିଲେ। ସୂଚନାଯୋଗ୍ୟ, କରୋନା ଭାଇରସ କବଳରୁ ରକ୍ଷା ପାଇଁ ସରକାର ମେ ୧୭ ତାରିଖ ପର୍ଯ୍ୟନ୍ତ ତୃତୀୟ ପର୍ଯ୍ୟାୟ ଲକଡାଉନ ଘୋଷଣା କରିଛନ୍ତି। ଲକଡାଉନ ସତ୍ତେ୍ୱ ଭାରତରେ ୬୩ ହଜାରରୁ ଅଧିକ ଲୋକ କରୋନା ସଂକ୍ରମିତ ହୋଇଛନ୍ତି ଓ ୨୧୦୦ରୁ ଅଧିକ ଲୋକ ଏହି ରୋଗରେ ପ୍ରାଣ ହରାଇଲେଣି।
