ଭୁବନେଶ୍ୱର,ଏନ୍ଏନ୍ଏସ୍: ଆଜି ରାଜ୍ୟରେ ପୁଣି ୧୫ କରୋନା ପଜିଟିଭ କେସ ଚିହ୍ନଟ ହୋଇଥିବା ବେଳେ ଆଜି ଗୋଟିଏ ଦିନରେ ରାଜ୍ୟରୁ ୮୩ ପଜିଟିଭ କେସ୍ ସାମ୍ନାକୁ ଆସିଛି। ତେବେ ଏହା ରାଜ୍ୟରେ ଆଜି ମଧ୍ୟରେ ସର୍ବାଧିକ କେସ ହୋଇଛି। ସେହିପରି ଏଥିରେ ଆଉ ଏକ ନୂତନ ଜିଲ୍ଲା ଭାବେ ବୈଦ୍ଧ ଜିଲ୍ଲା ସାମିଲ ହୋଇଛି।
ଏହି ୧୫ ଜଣଙ୍କ ମଧ୍ୟରେ ଗଞ୍ଜାମରୁ ୭ ଜଣ, ବୈଦ୍ଧରୁ ୩ଜଣ, ପୁରୀରୁ ୨ଜଣ, ଅନୁଗୁଳରୁ ୨ ଜଣ ଓ ଯାଜପୁରରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିସହ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩୭୭ରେ ପହଞ୍ଚିଲା। ସେହିପରି ୩୦୬ ଜଣ ଆକ୍ଟିଭ ଥିବା ବେଳେ ୬୮ ଜଣ ସୁସ୍ଥ ଓ ୩ ଜଣଙ୍କର ମୃତ୍ୟୁ ହୋଇଛି।
ଆଜି ଯାଜପୁରରୁ ଚିହ୍ନଟ ହୋଇଥିବା ୫ ଜଣଙ୍କ ମଧ୍ୟରେ ୨ ସୁରତ ଫେରନ୍ତା, ୨ଜଣ କୋଲକାତା ଫେରନ୍ତାଙ୍କ ସଂସ୍ପର୍ଶରେ ଆସିଥିଲେ ଓ ଜଣେ କୋଲକାତା ଫେରନ୍ତା ବୋଲି ଜଣାପଡ଼ିଛି। ସେହିପରି ପୁରୀରୁ ଚିହ୍ନଟ ହୋଇଥିବା ୨ଜଣ କୋଲକାତା ଫେରନ୍ତା। ଭଦ୍ରକରୁ ଚିହ୍ନଟ ହୋଇଥିବା ୬ଜଣ, ଗଞ୍ଜାମରୁ ଚିହ୍ନଟ ହୋଇଥିବା ୭ଜଣ, ଅନୁଗୁଳରୁ ଚିହ୍ନଟ ହୋଇଥିବା ୨ଜଣ ଓ ବର୍ତ୍ତମାନ ବୈଦ୍ଧରୁ ଚିହ୍ନଟ ହୋଇଥିବା ୩ ଜଣ ସୁରତ ଫେରନ୍ତା ବୋଲି ରାଜ୍ୟ ସୂଚନା ଓ ଲେକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।
