ଶୋକାକୁଳ ପରିବେଶରେ ସୁବାସ ଚୌହାନଙ୍କ ଶେଷକୃତ୍ୟ ସମ୍ପନ୍ନ

ବରଗଡ଼,ଏନ୍ଏନ୍ଏସ୍: ଶୋକାକୁଳ ପରିବେଶ ମଧ୍ୟରେ ସୁବାସ ଚୌହାନଙ୍କ ଶେଷାକୃତ୍ୟ ସମ୍ପନ୍ନ ହୋଇଛି। ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡସ୍ଥ ପେତୃକ ଗ୍ରାମ ଆମ୍ବବାହାଲରେ ଅପରାହ୍ନରେ ମରଶରୀର ପହଞ୍ଚିବା ପରେ ଜନସାଧାରଣ ଶେଷଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତେବେ ସୁବାସ ଚୌହାନ ଅମର ରହେ ସହ ଏକ ଶୋଭାଯାତ୍ରାରେ ଗାଁ ଶ୍ମଶାନରେ ଶେଷକୃତ୍ୟ ସମ୍ପନ୍ନ ହୋଇଥିଲା।

ବଡ଼ ଭାଇଙ୍କ ପୁଅ ବିକାଶ ଚୌହାନ ମୂଖାଗ୍ନି ଦେଇଥିବାବେଳେ ସାଂସଦ ସୁରେଶ ପୁଝାରୀ, ମନ୍ତ୍ରୀ ସୁଶାନ୍ତ ସିଂ, ପଦ୍ମପୁର ବିଧାୟକ ବିଜୟ ରଞ୍ଜନ ସିଂ ବରିହା, ଜିଲ୍ଲା ବିଜେପି ସଭାପତି ଅଶ୍ୱିନୀ ଷଡ଼ଙ୍ଗୀ, ପଦ୍ମପୁର ଉପଜିଲ୍ଲାପାଳ ତନ୍ମୟ ଦରୱନ, ପୂର୍ବତନ ବିଧାୟକ ପ୍ରଦୀପ ପୁରୋହିତ, ଶ୍ରୀକାନ୍ତ ପାଣିଗ୍ରାହୀ, ସରୋଜ ପାଣିଗ୍ରାହୀ, କୁମର ନାୟକ, ଅନ୍ତର୍ଯ୍ୟାମୀ ମେହେର ସମେତ ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ଥିଲେ।