ପୋଲସରା,ଏନ୍ଏନ୍ଏସ୍ : ଗଞ୍ଜାମ ଜିଲ୍ଲା ପୋଲସରା ବ୍ଲକ୍ ଢୁଙ୍କାପଡ଼ା ପଞ୍ଚାୟତସ୍ଥିତ ଢ଼ୁଙ୍କାପଡ଼ା ନୋଡାଲ ଉଚ୍ଚ ବିଦ୍ୟାଳୟରେ ଥିବା ସଂଗରୋଧ ଗୃହରେ ମୋଟ୍ ୬୯ ଜଣ ସୁରଟ ଫେରନ୍ତା ରହିଛନ୍ତି। ସେମାନଙ୍କ ମଧ୍ୟରୁ ମଧୂପଲି ଗ୍ରାମର ପ୍ରଫୁଲ୍ଲ ବେହେରା(୩୯)ଙ୍କ ଶୁକ୍ରବାର ଅପରାହ୍ଣ ୨ଟାରେ ମୃତ୍ୟୁ ଘଟିଛି। ପ୍ରଫୁଲ୍ଲ ସ୍ତ୍ରୀଙ୍କ କହିବା ଅନୁସାରେ କିଛିସମୟ ପୂର୍ବରୁ ସେ ତାଙ୍କସହ ଫୋନ୍ରେ କଥା ହୋଇଥିଲେ। ତା’ପରେ ତାଙ୍କର ମୃତ୍ୟୁ ହୋଇଛି ବୋଲି ଖବର ମିଳିଲା। ପୂର୍ବରୁ ଜ୍ୱର ହେଉଥିଲା ବୋଲି ସେ କହିଛନ୍ତି। ସ୍ଥାନୀୟ ପ୍ରଶାସନ ପହଞ୍ôଚ ଚିକିତ୍ସା ମଧ୍ୟ କରିଥିଲା। ଖବରପାଇ ବିଧାୟକ ଶ୍ରୀକାନ୍ତ ସାହୁ, ବିଡିଓ ଶମ୍ଭୁନାଥ ନନ୍ଦି, ତହସିଲଦାର ସୁକାନ୍ତ ଚନ୍ଦ୍ର ମିଶ୍ର, ଥାନାଧିକାରୀ ଜିତେନ୍ଦ୍ର ମଲ୍ଲିକ, ବିୟୁଟି ମହାନ୍ତି ପ୍ରମୁଖ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଥିଲେ। ସ୍ୱାସ୍ଥ୍ୟ ବିଭାଗର କର୍ମଚାରୀମାନେ ଆସି ମୃତକଙ୍କ ନମୁନା ସଂଗ୍ରହ କରିଥିଲେ। ଶବକୁ ବ୍ରହ୍ମପୁର ପଠାଯାଇଥିବା ସରପଞ୍ଚଙ୍କ ପ୍ରତିନିଧି ବସନ୍ତ ଜେନା ସୂଚନା ଦେଇଛନ୍ତି।
