ବଲାଙ୍ଗୀର,ଏନ୍ଏନ୍ଏସ୍: ବଲାଙ୍ଗୀର ଜିଲ୍ଲା ଗୁଡ଼ଭେଲା ବ୍ଲକ୍ ଲିଖିରିଆ ଗ୍ରାମର ଦୁଇଜଣ ଯୁବକ କରୋନା ପଜିଟିଭ ଚିହ୍ନଟ ହୋଇଥିଲେ। ଫଳରେ ସଂକ୍ରମିତ ଦୁଇ ଜଣଙ୍କ ସମ୍ପର୍କୀୟଙ୍କ ସମେତ ସିଧାସଳଖ ସେମାନଙ୍କ ସଂସ୍ପର୍ଶରେ ଆସିଥିବା ୫୩ ଜଣଙ୍କ ସ୍ୱାବ ନମୁନା ପରୀକ୍ଷା ପାଇଁ ପଠାଯାଇଥିଲା ଯାହାକି ନେଗେଟିଭ ଆସିଛି। ଏହାସତ୍ୱେ ମଧ୍ୟ ସେମାନେ ଆଉ କାହା ସଂସ୍ପର୍ଶରେ ଆସିଥିଲେ ତା’ର ତନାଘନା କରାଯାଇ ସ୍ୱାବ ନମୁନା ପରୀକ୍ଷା ପାଇଁ ପଠାଉଛୁ ବୋଲି ଜିଲ୍ଲାପାଳ ଅରିନ୍ଦମ ଡାକୁଆ ସୂଚନା ଦେଇଛନ୍ତି। ଏଥି ସହିତ ସବୁ ରିପୋର୍ଟ ଆସିବା ପରେ ପରବର୍ତ୍ତୀ କାର୍ଯ୍ୟପନ୍ଥା ସ୍ଥିର କରାଯିବ ବୋଲି ଜିଲ୍ଲାପାଳ କହିଛନ୍ତି।
