ଗଜପତି,ଏନ୍ଏନ୍ଏସ୍: ଗଜପତି ଜ଼ିଲ୍ଲାରେ ଆଜି ଏକ ଅଘଟଣ ଘଟିଯାଇଛି। ବୁଢାଦିହ ଗ୍ରାମ ନିକଟରେ ଥିବା ହରଭଂଗୀ ଡ୍ୟାମରେ ବୁଡିଯାଇ ମାଇଁ-ଭାଣିଜୀଙ୍କର ମୃତ୍ୟୁ ହୋଇଛି। ମୃତକ ହେଲେ ସେହି ଗ୍ରାମର ମହିଳା ଏବନି ମଣ୍ଡଳ ଏବଂ ତାଙ୍କ ନାବାଳିକା ଭାଣିଜୀ ଇଶ୍ମାଞ୍ଜଳି ଶବର।
ଗତକାଲି ଅପରାହ୍ଣରେ ଦୁହେଁ କାଜୁ ତୋଳିବା ପାଇଁ ବଗଡ଼କୁ ଯାଇଥିଲେ ପରେ ଗାଧୋଇବା ପାଇଁ ଡ୍ୟାମକୁ ଯାଇଥିବା ବେଳେ ପ୍ରଥମେ ଭାଣିଜୀ ବୁଡିଯାଇଥିଲେ ତେବେ ଭାଣିଜିକୁ ବଞ୍ଚାଇବାକୁ ଯାଇ ମାଇଁ ମଧ୍ୟ ଅକାତ ପାଣିରେ ବୁଡି ଯାଇଥିଲେ। କିନ୍ତୁ ଆଜି ମୋହନା ଅଗ୍ନିଶମ ବିଭାଗ ଖବରପାଇ ଘଟଣା ସ୍ଥଳରେ ପହଞ୍ଚି କିଛି ଘଣ୍ଟାର ଉଦ୍ୟମ ପରେ ଡ୍ୟାମ୍ ର ଗହିର ପାଣି ଭିତରୁ ଦୁଇଟି ମୃତଦେହ ଉଦ୍ଧାର କରିଛି। ଏନେଇ ଅଡବା ଥାନାରେ ପୋଲିସ ଅପମୃତ୍ୟୁ ମାମଲା ରୁଜୁ କରି ମୃତଦେହ ଜବତ କରିବା ସହ ବ୍ୟବେଛେଦ ନିମନ୍ତେ ବ୍ରହ୍ମପୁର ଏମକେସିଜି ମେଡ଼ିକାଲ ପଠାଇଛି।
