ରାଉରକେଲା,ଏନ୍ଏନ୍ଏସ୍: ଓଡ଼ିଶା ଫେରିଲେ ରାଜସ୍ଥାନର କୋଟା ଓ ମହାବୀର ନଗରରେ ଫସିଥିବା ଓଡ଼ିଆ ଛାତ୍ରଛାତ୍ରୀ। ୨ ଟି ବସ୍ ଯୋଗେ ୫୭ ଜଣ ଛାତ୍ରଛାତ୍ରୀ ରାଉରକେଲାରେ ପହଁଚିଥିବା ବେଳେ ଆଉ ୨ ଟି ବସରେ ୫୯ ଜଣ ଛାତ୍ରଛାତ୍ରୀ ଆସୁଛନ୍ତି। ମୋଟ୍ ୧୧୬ ଜଣ ଛାତ୍ରଛାତ୍ରୀ ନିଜ ବ୍ୟବସ୍ଥାରେ କୋଟାରୁ ରାଉରକେଲା ଅଭିମୁଖେ ବାହାରିଥିଲେ।
ପ୍ରତ୍ୟେକ ଛାତ୍ରଛାତ୍ରୀ ପ୍ରାୟ ୪ ହଜାର ଟଙ୍କା ଲେଖାଏଁ ବସ ଭଡା ଦେଇ ଗତକାଲି ଦିନ ପ୍ରାୟ ୧୦ଟା ୧୫ ମିନିଟ ସମୟରେ ରାଜସ୍ଥାନ କୋଟାର ଲ୍ୟାଣ୍ଡମାର୍କ ସିଟି ଓ ମହାବୀର ନଗରରୁ ୪ଟି ବସରେ ରାଉରକେଲା ଅଭିମୁଖେ ବାହାରିଥିଲେ । ଏହି ଛାତ୍ରଛାତ୍ରୀମାନେ ମେଡିକାଲ ଟ୍ରେନିଂ ନେବାକୁ ଯାଇ ଲକଡାଉନ ବେଳେ କୋଟାରେ ଫସିରହିଥିଲେ। ତେବେ ରାଉରକେଲାରେ ସମସ୍ତ ଛାତ୍ରଛାତ୍ରୀ ପହଁଚିବା ପରେ ସେମାନଙ୍କ ସ୍ଵାସ୍ଥ୍ୟ ପରୀକ୍ଷଣ କରାଯାଇ କ୍ଵାରେଣ୍ଟାଇନରେ ରଖାଯିବ।
