କେନ୍ଦୁଝର,ଏନ୍ଏନ୍ଏସ୍: କେନ୍ଦୁଝର ସଦର ଥାନା ଅଞ୍ଚଳରେ ବଜ୍ରାଘାତରେ ଜଣେ ଗୋରୁ ଚରାଳିର ମୃତ୍ୟୁ ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁସାରେ ଶୁକ୍ରବାର ପ୍ରାୟ ୨ଟା ୩୦ରେ ମୈଦାନକେଲ ଗ୍ରାମର ବିଦ୍ୟାଧର ବେହେରାଙ୍କ ପୁଅ କୁବେର ବେହେରା(୩୫) ଗୋରୁ ଚରାଇ ଘରକୁ ଫେରୁଥିଲେ।
ଘର ନିକଟରେ ହଠାତ୍ ବଜ୍ରଘାତ ହୋଇଥିଲା। ଫଳରେ କୁବେର ସେଠାରେ ଟଳି ପଡ଼ିଥିଲେ। ସ୍ଥାନୀୟ ଲୋକମାନେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସଦର ପୁଲିସ ଏକ ଅପମୃତ ମାମଲା ରୁଜୁ କରିଛି।
