ନୂଆଦିଲ୍ଲୀ,ଏଜେନ୍ସି: ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ଭାଇରସ୍ ମୁକାବିଲା ସମ୍ପର୍କରେ ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓ କନଫରେନସିଂ ଜରିଆରେ ଆଲୋଚନା କରିବେ। ଦେଶରେ କୋଭିଡ-୧୯ ବିସ୍ତାର ହେବା ପରଠାରୁ ପ୍ରଧାନମନ୍ତ୍ରୀଙ୍କ ସହ ଏହା ତୃତୀୟ ଭିଡିଓ ସମ୍ମିଳନୀ। ଏହି ମହାମାରୀର ମୁକାବିଲା ପାଇଁ ଆଗକୁ ଲକଡାଉନକ ବଢ଼ାଯିବ କି ନାହିିଁ ସେ ସମ୍ପର୍କରେ ଆଲୋଚନା କରାଯିବ।
ସେହିପରି ଅର୍ଥନୈତିକ କାର୍ଯ୍ୟକଳାପକୁ ବଞ୍ଚାଇବା ସହିତ ଲୋକଙ୍କୁ ଆରାମ ପ୍ରଦାନ କରିବା ପାଇଁ କେନ୍ଦ୍ର ଏବଂ ରାଜ୍ୟ ସରକାର ବିଭିନ୍ନ କ୍ଷେତ୍ର ତଥା କ୍ଷେତ୍ରଗୁଡିକରେ ଧୀରେ ନିୟମ କୋହଳ କରୁଛନ୍ତି। କିନ୍ତୁ କେତେକ ରାଜ୍ୟ କରୋନା ଭାଇରସ୍ ମାମଲା ନିୟନ୍ତ୍ରଣରେ ରହିବାକୁ ସୁନିଶ୍ଚିତ କରିବା ପାଇଁ ଆସନ୍ତା ୩ ତାରିଖ ପରେ ପୁଣି ଲକଡାଉନକୁ ବୃଦ୍ଧି କରାଯିବାକୁ ବିଚାର କରାଯିବ ବୋଲି ଜଣାପଡ଼ିଛି।
