ବଲାଙ୍ଗିର,ଏନ୍ଏନ୍ଏସ୍: ରିପବ୍ଲିକ ଭାରତ ଟିଭି ଚ୍ୟାନେଲର ମୁଖ୍ୟ ତଥା ଏଡିଟର ଅର୍ଣ୍ଣବ ଗୋସ୍ୱାମୀଙ୍କ ବିରୋଧରେ ଥାନାରେ ମାମଲା ରୁଜୁ ହୋଇଥିବା ଜଣାପଡ଼ିଛି। ସୂଚନା ଅନୁସାରେ ଅର୍ଣ୍ଣବ ଗୋସ୍ୱାମୀ ତାଙ୍କର ଏକ କାର୍ୟ୍ୟକ୍ରମରେ ପାଲଘର ଘଟଣା ପାଇଁ ସୋନିଆ ଗାନ୍ଧୀଙ୍କୁ ଦାୟୀ କରିବା ସହ ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କ ଉପରେ ଅନେକ ଆପତ୍ତି ଜନକ ଟିପ୍ପଣୀ ଦେଇଥିଲେ।
ଏହାକୁ ସାରା ଦେଶରେ କଂଗ୍ରେସ ଦଳ ତରଫରୁ ଦୃଢ଼ ନିନ୍ଦା କରାଯିବା ସହିତ ଅର୍ଣ୍ଣବ ଗୋସ୍ଵାମୀଙ୍କ ଗିରଫ ଦାବି ହୋଇଛି। ଏହି ପରିପେକ୍ଷୀରେ ବଲାଙ୍ଗିର ବିଧାୟକ ନରସିଂହ ମିଶ୍ର କାଲି ରାତିରେ ଟାଉନ ଥାନାକୁ ଯାଇ ଅର୍ଣ୍ଣବ ଗୋସ୍ୱାମୀଙ୍କ ବିରୋଧରେ ଏତଲା ଦେଇଛନ୍ତି। ଏଥି ସହ ଆଇନ ଅନୁଯାୟୀ ତାଙ୍କୁ ଦଣ୍ଡିତ କରିବା ପାଇଁ ଦାବି କରିଛନ୍ତି।
