ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇର ପ୍ରସ୍ତୁତିକୁ ଡବ୍ଲ୍ୟୁଏଚଓ ସମେତ ବିଶ୍ୱର କେତେକ ଦେଶ ପ୍ରଶଂସା କରି ସାରିଛନ୍ତି। ଆଉ ଏବେ ଏହି ଧାରାରେ ସ୍ୱିଜରଲାଣ୍ଡ ମଧ୍ୟ ସାମିଲ ହୋଇଛି। ସ୍ୱତନ୍ତ୍ର ଭାବେ ଭାରତର ପ୍ରଶଂସା କରିବାକୁ ଯାଇ ସ୍ୱିଜରଲାଣ୍ଡ ସ୍ୱିସ ଆଲପ୍ସର ମେଟରହର୍ଣ୍ଣ ପର୍ବତକୁ ଲେଜର ଲାଇଟ ସାହାଯ୍ୟରେ ତ୍ରିରଙ୍ଗାରେ ସଜାଇ ଦେଇଛି। ସ୍ୱଜରଲାଣ୍ଡରେ ଥିବା ଭାରତୀୟ ଦୂତବାସ ଟ୍ୱିଟରରେ ଏହି ଫଟୋଟିକୁ ସେୟାର କରିଛନ୍ତି। ଏଭଳି ଘଡ଼ିସନ୍ଧି ମୁହୂର୍ତ୍ତରେ ଆମେରିକା ଭଳି ଶକ୍ତିଶାଳୀ ରାଷ୍ଟ୍ର ସହ ଅନ୍ୟ ରାଷ୍ଟ୍ରକୁ ସାହାଯ୍ୟର ହାତ ବଢ଼ାଇବା ମଧ୍ୟ ଏହି ସମ୍ମାନର କାରଣ। ଏହି ଫଟୋକୁ ରିଟ୍ୱିଟ୍ କରି ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି କି, ‘ସମଗ୍ର ବିଶ୍ୱ କୋଭିଡ-୧୯ ବିରୁଦ୍ଧରେ ଏକତ୍ରିତ ହୋଇ ଲଢ଼ୁଛି। ଏହି ମହାମାରୀରେ ନିଶ୍ଚିତରୂପେ ମାନବ ଜାତି ବିଜୟୀ ହେବ।’
