ଭୁବନେଶ୍ୱର,ଏନ୍ଏନ୍ଏସ୍ : ଆଜି ରାଜ୍ୟରେ ଗୋଟିଏ ଦିନରେ ୫ କରୋନା ପଜେଟିଭ୍ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରୁ ଆଜି ସକାଳେ ଜଣେ ଯାଜପୁର ଅଂଚଳର ହୋଇଥିବା ବେଳେ ଅନ୍ୟ ୪ଜଣ ଭୁବନେଶ୍ୱର ଅଂଚଳର ବୋଲି ସୂଚନା ମିଳିଛି। ଏନେଇ ପ୍ରେସମିଟର ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ରଙ୍କ ପକ୍ଷରୁ ସୂଚନା ମିଳିଛି। ସୋମବାର ମୋଟ ୫୬୪ଜଣଙ୍କ ସାମ୍ଫଲ ଟେଷ୍ଟ ହୋଇଥିଲା। ଏଥି ମଧ୍ୟରୁ ୫ଜଣଙ୍କର ପଜେଟିଭ୍ ଆସିଛି। ଭୁବନେଶ୍ୱର ୪ ପଜେଟିଭଙ୍କ ମଧ୍ୟରୁ ଜଣେ ଝାରପଡ଼ା ଅଂଚଳର ହୋଇଥିବା ବେଳେ ଅନ୍ୟ ୩ଜଣ ବମିଖାଲ ଅଂଚଳର ବୋଲି ସୂଚନା ମିଳିଛି। ଝାରପଡ଼ା ଅଂଚଳର କରୋନା ଆକ୍ରାନ୍ତଙ୍କ ପୁରଷ ତାଙ୍କର ବୟସ ୫୦। ସଂପୃକ୍ତ ବ୍ୟକ୍ତି ଜଣଙ୍କ ୪୨ନଂ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଆଶଙ୍କା। ବମିଖାଲ ଅଂଚଳରେ ଚିହ୍ନଟ ହୋଇଥିବା ଆଉ ୩ଜଣ ଆକ୍ରାନ୍ତଙ୍କ ମଧ୍ୟରୁ ୨ଜଣ ପୁରୁଷ, ଜଣେ ମହିଳା। ୨ପୁରୁଷଙ୍କ ବୟଷ ଜଣଙ୍କର ୫୧ ବର୍ଷ ଅନ୍ୟ ଜଣଙ୍କର ୭୦ବର୍ଷ। ମହିଳା ଆକ୍ରାନ୍ତଙ୍କ ବୟସ ୫୧ ବର୍ଷ ବୋଲି ଜଣାପଡ଼ିଛି। ଆଜିର ଏହି ୫ ଆକ୍ରାନ୍ତଙ୍କୁ ମିଶାଇ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୬୦ ଛୁଇଁଛି। ଏହି ୬୦ଜଣଙ୍କ ମଧ୍ୟରୁ ସୁସ୍ଥ ହୋଇ ଫେରିଛନ୍ତି ୧୮ଜଣ, ଜଣେ ମୃତ୍ୟୁବରଣ କରିଛନ୍ତି, ଅନ୍ୟ ୪୧ଜଣ ଚିକିତ୍ସିତ ଅବସ୍ଥାରେ ଅଛନ୍ତି।
